Mal de Olho
Mal de Olho
Suscribirse
Repasso corunhento à actualidade e os grandes clássicos do cinema de terror.
Episodios disponibles
Más recientes primero
Más antiguos primero
30 sept 2023
Angst
Resulta-nos preocupantemente singelo meter-nos na mente dum assassino psicopata. Nom será por empatia, senom polo atrativo filme Angst; hype desta temporada que, para além do aspecto psicológico, nom nos pareceu assim tam dura.
Mas nom devemos deixar-nos enganar polo limitado body count ou o escasso gore. Angst é um filme que adoramos, com umha cinematografia curiosa, umha narraçom angustiosa, umhas interpretações bastante notáveis e um final dog.
Aliás, o filme vem com a rotulaçom de “baseado em feitos reais”. É suposto que o protagonista/antagonista de Angst está inspirado no infame Werner Kniesek. Repasamos a sua história e... bom, é tal qual. Supomos que isto nom sentou demasiado bem na altura.
Desfrutamos tanto de comentar este filme, que esquecimos dar a gravar na última secçom, polo que geramos umha linha temporal paralela ou um multiverso maldeolher com inesperadas consequências. O que sim é esperado é o capítulo 100 do podcast, feche de temporada por todo o alto e mistério que tem a cidade sem respiraçom!
RECOMENDAÇOM
Antidisturbios (série, 2020)
Matango: Attack of the Mushroom People (1963)
Cobweb (2023)
The Northman (2022)
MEH
Haunt (2019)
PREVENÇOM
Veneciafrenia (2021)
REC 2 (2009)
The Last Voyage of the Demeter (2023)
playlist_add
11 sept 2023
Especial Chuches
Editamos tardíssimo o aguardado programa sobre Chuches porque A VIDA. Nesta ocasiom falamos de tele-bosta, de Stephen King, de dinosauros e de como pode sair um desastre duns bons ingredientes. E — claro! — também de Ulli Lommel.
Começamos polo mestre na sua particular revisom de Vertigo, que deixou fria a gente maldeolher. O Vampirineda fica sozinho a defender Olivia, mas dá alguns passos para trás quando ninguém secunda o seu entusiasmo polos seus “destelhos” ocasionais.
O Miguel do Caixão atenta directamente contra o podcast trazendo El Gran Marciano. Há que fazer memória para lembrar as concursantes do primeiro Big Brother espanhol mas, num inesperado plot twist, o pessoal acaba salvando algumha cousinha.
Era melhor que Stephen King deixasse que outros figessem as suas adaptações (como ele próprio acabou por reconhecer). Contudo, Maximum Overdrive tampouco está tam tam tam mal... E soa ACDC, que está bem para quem goste.
Oh, Deus... Carnosaur... Que dizer disto? O podcast arrisca-se e destaca um início relativamente prometedor com sujidade, galinhas e científicos tolos.
Concluímos com Stridulum: grande elenco, boa banda sonora, fotografia aceitável e... absoluta catástrofe cinematográfica que suscita o debate: filme de culto ou disparate extremo?
Nuns dias tedes o hype, que este ano é Angst (1983); podcast que já está gravado. Isso nom que dizer que nom intervenhades nas redes, na página ou aqui mesmo. Que a temporada acaba! E o que é melhor: em breve teremos o nosso programa 100!
RECOMENDAÇOM
The vast of night (2019)
Nope (2022)
Dead Set (série, 2008)
MEH
Sympathy for the Devil (2023)
playlist_add
24 jul 2023
Especial curtas
Umha vez passado o terror real do domingo 23, vamos com o terror na ficçom subindo (tarde) este episódio onde falamos do nosso género preferido no pequeno formato. Tratamos 12 curtas numha entrega que ficou... isso mesmo, curta.
O títulos escolhidos pola gente maldeolher som: Lights out, Dawn of the deaf, Junior, The Sandman, Blinky, Portrait of God, Chopped LIver, A Function, Still life, Every Halloween, Monster e Cargols! Também inauguramos umha obscura classificaçom que ordena daquela maneira os filmes e funçom de quantos “picmiguels” tem.
Além disso tudo, despedimos secçom, falamos do “Robot Emilio”, criamos um outro incidente diplomático com o Canadá e anunciamos um novo Especial Chuches. Os filmes serám Carnosaurio, Stridulum, Maximum Overdrive e El Gran Marciano. Nom podemos deixar de fazer a nossa habitual homenagem ao grande Ulli Lommel, assim que falaremos também do seu filme Olivia.
playlist_add
23 jun 2023
Black Hole
Chega o novo capítulo do podcast que podes escuitar na ressaca de Sam Joam depois dumha extraordinária festa no teu Centro Social de referência, se fores umha pessoa decente; ou mentres guardas a tua parcela nessa incompreensível privatizaçom das praias do Orçám ou Riazor, se fores um punheteiro neoliberal. Esta vez, falamos de Black Hole, a banda desenhada e a adaptaçom a curta.
A gente maldeolher ama a novela gráfica (ou comic, ou banda desenhada...) e ama um pouco menos a curta. Hai debate sobre a dificuldade das adaptações e sobre os simbolismos, principalmente sexuais, do relato.
Estamos diante dumha história dramática, de amadurecimento, com importantes elementos de terror corporal. Umha maravilha. Falamos de incels, do que significa fazer-se adulto e da adolescência, apesar de que a Vampirineda esta última fase lhe está a quedar cada vez mais longe...
Concluimos falando de Satoshi Kon, de Alan Moore, de Nicolas Cage e de todos os capítulos de Black Mirror entre o sofrimento de Churitético, que teme um spoiler em qualquer momento.
Para o próximo, falaremos das nossas curtas de terror favoritas. Quais som as vossas?
RECOMENDAÇOM
Torso (banda desenhada, 2000)
Renfield (2023)
海帰線; Kaikisen (“Regresso ao mar”, banda desenhada, 1990)
Comics and Sequential Art (ensaio, 1985)
MEH
Color out of space (2019)
Black Mirror, temporada 6 (série, 2023)
PREVENÇOM
From (série, 2022)
Brooklyn 45 (2023)
playlist_add
28 may 2023
Level 16
Edita-se finalmente o episódio 11 da temporada 4 dedicado ao filme desconhecido “Level 16”. Um episódio que devido ao Canadá e ao beef de cantares de cego entre Odilo e Sarmila bem poderia chamar-se “Mal de Olho: o musical”.
O filme nom entusiasma nada e fica num pouco convencido MEH. História de rapazas em clausura que descobrem que viviam numha ilusom e claro, intentam fugir dum suspeitoso orfanato subterrâneo e panôptico. Destacam-se alguns aspetos técnicos como a fotografia.
Miguel do Caixão errou dous niveis e volveu miguelar. Assim que nos falará dum filme completamente diferente. Ademais demostra que o seu é o metal, e nom o folk...
Além de avançar-nos a Boyanka e Hugo, mostramos o nosso amor por Franju, divagamos sobre Ari Aster ou Nicolas Cage, e acabamos sendo umha das principais ameaças ao status quo canadense junto com o independentismo quebequês.
Para o próximo programa trazemos umha curta, Black Hole, que em realidade é umha escusa para falar dumha das melhores novelas gráficas de sempre. Acompanhem-nos nesse mundo sinistro de Charles Burns.
RECOMENDAÇOM
Beau is afraid (2023)
Renfield (2023)
The hunger (1983)
Hellraiser (2022)
Men (2022)
MEH
Evil Dead: Rise (2023)
The Boy (2016)
PREVENÇOM
Mallorca zombie (2009)
playlist_add
14 may 2023
Crimson Peak
Levamos um ritmo estupendo (para gravar, porque agora temos problemas para editar e saem tarde na mesma). No que nom temos tanta sorte é na escolha dos filmes, porque “Crimson Peak” nom causou umha grande impressom no colectivo maldeolher, com a excepçom de Miguel do Caixão, claro.
Temos pola primeira vez a Guillermo del Toro e um terror gótico (é a primeira vez que temos um terror gótico? Som tantos filmes analisados que já é difícil lembrar). Para além de umha cena giallesca no primeiro acto (com luvas de coiro, lâmina de barbear e sangue muito vermelho) o pessoal podcaster sente que a história vai ladeira acima sem remédio.
Miguel insiste no aspeto visual, que sim, é algumha cousa destacável. Mas o resto fala dum enredo previsível e de certas inconsistências narrativas. Este desequilíbrio condea esta prodçom ao posto 89 dos 100 que passarom já por aqui.
Para além disto todo, volvemos ter público! E como sempre, um público participativo e com contributos relevantes. Também, entre muitas outras cousas, envergonhamos o povo canadiano cantando em várias ocasiões o seu hino, Odilo está em greve, o Dalai Lama complica a nossa intro e Vampirineda explica a triste história por trás da sua negativa a a ver Game of Thrones. Podedes meter-vos com ele nas nossas redes (por isso, e por fanfurrinhas).
Todo o Canadá treme porque trazeremos um filme de lá para o próximo programa: Level 16.
RECOMENDAÇOM
Martyrs (2008)
The Banshees of Inisherin (2022)
The Strange Thing About the Johnsons (média-metragem, 2011)
Black Phone (2021)
Make Me a Sandwich (curta, 2019)
Cine Fantastico y de Terror Español: 1900-1983 (livro, 1999)
PREVENÇOM
Nighmare Weekend (1986)
Maniac driver (2020)
playlist_add
26 abr 2023
Next of kin
Com muitos dias de demora — agora que gravamos semanalmente! — chega este noveno programa de Mal de Olho, dedicado ao filme australiano do que nunca ouviste falar, Next of Kin (1982).
O filme é estéticamente muito interessante, sustentado na atmosfera e com uns angustiosos planos interiores. Isto tudo que anima a maior parte do grupo, desanima o Miguel do Caixão, que nom tem demasiada piedade com ele.
Para além deste filme, fala-se da miopia de Vampirineda, hai um duelo lírico entre Sarmila e Odilo e especula-se sobre se é possível fazer um top 10 de filmes do Listenstaine.
Mas o feito destacado é que gravamos com público! E nom apenas isso... O público participa e nos discute! Como é que chegamos aqui? Veremos o que acontece no próximo programa dedicado a Crimson Peak (2015)
RECOMENDAÇOM
Jesus vs Zombies (curta, 2016)
Vivarium (2019)
End of the line (2006)
Paranoia agent (série de animaçom, 2004)
Other side of the box (curta, 2018)
MEH
Nadie oyó gritar (1973)
Prey for the evil (2022)
PREVENÇOM
Les cauchemars naissent la nuit (1970)
playlist_add
6 abr 2023
Creepshow
Neste programa falamos de Creepshow (1982), onde desfilam nomes como Stephen King, Tom Savini, Adrienne Barbeau, Ted Danson, um Ed Harris “bailongo”, Leslie Nielsen, etc. Isto no primeiro filme que trazemos ao podcast do mestre George A. Romero, um fulano da Corunha.
Percorremos a inspiraçom do filme nas séries terroríficas de EC Comics, o que dá para falar em temas como o estado do género, a censura ou as primeiras adaptações cinematográficas da Amicus.
Repassamos os cinco relatos que compõem esta coletânea e decidimos qual nos interessa mais. Apesar de que foi Vamprinieda quem propujo o filme, ainda sente náuseas polo segmento "They're Creeping Up on You!" devido à sua catsaridafobia severa.
Louvamos também as decisões visuais que achegam este filme à sua fonte na banda desenhada, repassamos as suas irregulares sequelas e mencionamos o seu legado. Para o próximo episódio (que já gravamos porque somos assim de “waltrapas”) falaremos de Next of Kin. Também sabemos que nosso hype será “Angst” (por decissom democrática vossa). E que o nosso programa 100 se aproxima. Where is our cake, Bedelia?”.
RECOMENDAÇOM
Barbarian (2022)
Night of the living dead (1990)
Cocaine bear (Osito Minhanco, 2023)
The Twilight Zone: The movie (1983)
Las reglas del juego (2022)
MEH
Smile (2022)
Venus (2022)
Knock at the cabin (2023)
playlist_add
21 mar 2023
S04E07 - Novinhas e bruxas
O podcast recupera forças e quita quase dentro de prazo o episódio dedicado a "Novinhas e Bruxas". Umha verdadeira façanha, se considerarmos os graves problemas de agenda que arrastamos esta temporada.
Qual coventículo de bruxas, os quatro elementos maldeolhers invocam criticamente este já clássico dos anos 90 e o resultado nom é demasiado favorável ao filme. O fundamental é que a mensagem de empoderamento feminino fica um pouco estragada polo conflicto entre as novinhas do conciliábulo. Também se observa com ceticismo um terceiro acto um pouco atrapalhado.
Para surpresa geral, Vampirineda abandona o seu habitual espírito hater e mostra-se favorável nom apenas a "The Craft" de 1996, senom também ao refrit de 2020; do que dá umhas pinceladas para concluir que as suas responsáveis tampouco merecem a fogueira onde forom enviadas pola crítica. Esta a se tornar mole com os anos? Ou é que depois de "Top Gun: Maverick" e "Everything, everywhere, all at once" já tudo lhe parece bem?
Falamos da sua miopia, da wika, dos Óscars, da saudade dos 90 e reivindica-se a figura de Amando de Ossorio. Para o próximo episódio, conheceremos o resultado do enfrentamento entre "Angst" e "Men behind the sun"; quer dizer, saberemos finalmente qual é o hype da temporada! Também aproveitaremos para trazer George A. Romero pola primeira vez ao podcast, já que falaremos de "Creepshow". Por Manon, nom o perdam!
RECOMENDAÇOM
The Fog (1980)
Inside job (série, 2021)
Et mourir de plaisir (1960)
Everything, everywhere, all at once (2022)
Motivos visuales en el cine (livro, 2016)
MEH
Jeepers creepers (2001)
Scream VI (2023)
PREVENÇOM
Old (2021)
playlist_add
7 mar 2023
Mês da Mulher noTerror 2023
Mil circunstâncias adversas impedirom-nos estar convosco no passado Mês da Mulher no Terror. Mas nom hai problema! Subimos o episódio no 8 de março. Ademais, sempre está bem reivindicar as mulheres realizadoras com independência de efemérides várias.
Falamos de quatro filmes, a começar polo Babadook, personificaçom da depressom e , accidentalmente, símbolo LGTBI. Aplauso unánime e poucas cousas em contra. Hai debate sobre a criança do inferno.
Resultou mais controverso Fresh, filme do ano passado sobre canibalismo elegante que nom consigue entusiasmar todo o mundo.Mas tampouco fica mal no ranking.
Também hai reticências com Most beautiful island, com Sarmila e Vampirineda a adorar e Churitético e Miguel a pôr objecções. Fita interessante, de todos modos, de umha emigrante a intentar sobreviver numha imensa New York.
Acabamos com Promising Young Woman, rape & revenge esquisito e explícito nas suas intenções, que tem êxito no grupo exceto com Vampirineda, a quem nom lhe entra.
Para a próxima semana (hahahaha) falaremos de The Craft ou Novinhas e bruxas (como o vamos chamar). E claro, saberemos quem passa à final do nosso hype. Tudo depende de vós!
playlist_add
5 feb 2023
S04E05 - 2022 era isto
Umha prolongaçom da Covid, catastróficas mudanças climáticas, simbiontes do espaço exterior, movementos de libertaçom dos replicantes, questionáveis medidas contra a violência social, bebés demoníacos, campos de concentraçom insulares, aliens que se metem nos teus sonhos, aliens que invadem a Terra ou dietas a base de pláncton... 2022 puido ter sido isto. Pouco faltou.
Mais um ano, dedicamos um especial a como o passado imaginou o nosso presente... Ou nosso passado mais próximo, porque falamos do 2022. Para isso, tratamos de filmes como Safer at home, The tomorrow war, Venom, Blade Runner: Black Out 2022, The Purgue e The Purgue: Election Year, Hell Baby, No Escape, Alien Intruder, Time Runner, The Dark Side of the Moon ou Soylent Green. Esperamos ter mais sorte no próximo ano.
E tinha que acontecer nalgumha ocasiom! Esquecemos gravar o último bloco. Tampouco é que dixéssemos nada importante. O único, que sem saber muito bem como, já estamos no WiHM (mês da mulher…
playlist_add
10 ene 2023
S04E04 - Species
Deveríamos estar a celebrar o terceiro aniversário do podcast, mas ficava por subir o programa sobre Species (1995), assim que deixaremos um especial para o próximo. De momento, perguntamos-nos com ar grave: “Quem é verdadeiramente o predador?”.
Valorizamos relativamente bem este filme, apesar do disparatado do enredo, da inutilidade do grupo protagonista e do comportamento incompreensível da extraterrestre. Talvez seja porque nos seduziu essas caras que pom Michael Madsen.
Nom nos vamos enganar, o programa vai-se-nos das mãos e acabamos por falar da coulrofobia, do lado obscuro dos pinguins, do código de honra dos predators, do melhor e o pior James Bond, do binarismo nas espécies alienígenas, do found fotage e assim por diante.
Concluímos duas cousas: nesta desastrosa temporada, precisamos que a soberania popular expressada democraticamente nas redes escolha o nosso hype; e que dedicaremos, agora sim, o nosso porgrama de aniversário ao especial “2022 era isto” ou c…
playlist_add
14 dic 2022
S04E03 - Dr. Sleep
Gravamos hai semanas, mas como diriam na Argentina em 2001, “nos pasó todo”. Deixamos de ser a festa da mangueira e oferecemos o episódio sobre Dr. Sleep que vem carregado de surpresas.
A primeira é que pomos quase todas as melodias que estiverom esquecidas durante meses. Entre outras cousas, para exibir umha reportagem odílica sobre o Cineuropa que leva por título Mondo Compostelano.
O filme gera certa tepidez. A comparaçom com The Shining poderia explicar esta falta de entusiasmo. Mas também o desequilíbrio de forças favorável aos protagonistas ou que o filme renuncie a umha identidade própria mais marcada, contentando-se com ser um passeio turístico polo Hotel Overlook.
Mas dá para falar sobre Stephen King, sobre o populismo ou para cantar “Oh, Canadá!”. Para a próxima semana, Species (1995).
RECOMENDAÇOM
O país da moura (2021)
“Ouvrir Venus. Nudité, rêve, cruauté”, Gerge Didi-Huberman (1999)
PREVENÇOM
Firestarter (2022)
La vampira de Barcelona (20…
playlist_add
15 nov 2022
S04E02 - Blue Sunshine
Nova ediçom do #todascontrapineda com motivo de Blue Sunshine num programa onde, infelizmente, volvemos ser a festa da mangueira. Esperamos que a companheira Sarmila regresse aginha, já para o próximo, que estará dedicado a Doctor Sleep.
Nem o contexto socio-histórico e político, nem o suposto carácter progressista da história e do seu realizador, nem hipotéticas conexões com Cronenberg... Nada convenceu o Churitético e o Miguel do Caixão dos valores do filme, que acham chato, mal feito e até ridículo. O Vampirineda resignará-se a ver a sua proposta na parte baixa do ranking de Letterbox.
Além disso, falamos brevemente da maratona de Cineuropa em Hipsteriago de Compostela, da necessidade de estabelecer algum sistema para determinarmos o hype da temporada (que nom temos ainda) ou da promo (que tampouco). Para além de anunciarmos a chegada de Mike Flanagan, recuperamos a velha secçom de Recomendaçom, Meh e Prevençom; aqui neste podcast que é umha mera escusa para a…
playlist_add
4 nov 2022
S04E01 - Sitges 2022
Regressamos com o nosso tradicional episódio sobre Sitges, mas agora nom nos misturamos com o vulgo. Vamos de palco, com monóculo e acarinhando um gato branco. Por isso nem comentamos que Ummo existe.
Tampouco falamos de Sisu, grande vencedor do festival porque nom o vimos. “Que desastre!”, diredes. Mas para compensar falamos de 48 (sim, 48) filmes do terror mais atual, havendo muita recomendaçom e emocionantes polémicas com Mantícora, Ressurrection, As Bestas ou Occhiali Neri.
Onde nom houvo polémica foi na prevençom unânime do ano: Halloween Ends. Olhamos para Miachel com tristeza e prafraseamos a Vito Corleone: “Look how they massacred my boy!”.
Acabamos o episódio mais dignamente que o do ano passado. Será sintoma de maturidade? Para o seguinte falaremos de Blue Sunshine. Comentade se o víchedes, quais som os vossos filmes favoritos do ano e, de passagem, proponhede o hype da temporada!
playlist_add
23 ago 2022
Season Finale - Taxidermia (2006)
Chega a season finale e, com ela, o nosso hype anual. Trata-se do filme húngaro Taxidermia (2006), a proposta dos amigos de Gurrucho de Vozcast, que fecha um curso bastante acidentado, mas com grandes novidades.
Esperávamos algo mais grotesco deste hype que ningum de nós assistira antes. No seu lugar, encontramos umha produçom à que hai pouco que reprovar no aspeto técnico. De facto, houvo cenas que causarom umha grande impressom pola sua beleza e com independência do sórdido do enredo.
Trata-se dum filme dividido em três partes, correspondentes a três períodos distintos da história da Hungria: o fascismo, o socialismo e a democracia liberal. O primeiro protagonizado por um soldado obsessivo e explorado, o segundo por um atleta da comida e o terceiro por um taxisdermista alienado.
A valoraçom foi positiva em geral, apesar de que houvo dúvidas sobre a interpretaçom, o subtexto e a imagem que projetava da sociedade húngara. Mas Mal de Olho approves.
Acabamos fazendo balan…
playlist_add
2 ago 2022
S03E21 - American Mary
Como diria Peret, Mal de Olho nom estava morto, estava de caralhada. Jantares em Paradela, festivais, jornadas patrióticas, sim. Mas trabalho assalariado e doenças também. O caso é que fieis ao nosso compromisso com a gente maldeolher, subimos o penúltimo programa onde tratamos das nossas amigas, as irmãs Soska.
American Mary (2012) abre grandes debates na nossa reuniom semanal (?) sobre questões profundas: a modificaçom corporal, o dever ético na medicina, a tortura e os feminismos da segunda e terceira onda. Também inspira umha das piores versões do hino canadense.
Encontram-se paralelismos com a obra de Cronenberg ou com filmes como Freaks. Também falamos do subgénero rape & revenge e como nom sempre tratou o assunto do abuso sexual dumha maneira séria.
A valoraçom é unanimemente positiva, ainda que se observam algumhas fraquezas no guiom e umha certa precipitaçom no desfecho.
No próximo programa, concluiremos esta acidentada terceira temporada com o hype do ano, e…
playlist_add
29 jun 2022
Especial Chuches v.2
Doenças, trabalhos, festividades locais, concursos... Em definitiva, a épica desta terceira temporada que nos impede subir os áudios quando corresponde. Seja como for, aqui está o aguardado Especial Chuches v.2 com um clássico da série B, um filme cautelar sobre as chuches, umha revisom cómica do slasher e umha homenagem a Ulli Lomel.
Começamos com o mítico filme de Frank Henenlotter Basket Case (1982), divertido relato de vingança com monstro deforme no submundo nova-iorquino de inícios dos anos 80, quando tudo era mais sujo e sórdido.
Continuámos com o filme propagandístico Reefer Madness (1936), história demencial que nos mostra uns impossíveis efeitos da maconha para advertir-nos que isso pode acontecer às nossas crianças. Aproveitamos para repassar todos os sinónimos de chuche com Churitético.
O terceiro da tarde foi Tucker & Dale vs Evil (2010), produçom em chave de comédia que aproveita para dar a volta aos clichés do slasher, com uns encantadores rednecks…
playlist_add
13 jun 2022
Especial V Ciclo de Terror Socialista
Somos conscientes de que merecemos o gulag por fazer demorar tanto o especial mais vermelho do ano. Mais umha vez ocupamo-nos do Ciclo de Cinema de Terror Socialista que chega à sua quinta ediçom no Centro Social Gomes Gaioso. Nesta ocasiom, os filmes tivérom umha acolhida desigual entre o público e a gente maldeolher.
Começamos com "Папа, умер Дед Мороз" ou “Pai, o Santaclaus morreu”, filme soviético do ano 1991. Miguel do Caixão e Vampirineda olham-se mutuamente com umha expressom de perplexidade enquanto Sarmila louva os valores artísticos de umha obra experimental que parece refletir sobre a morte ou algo. O público assobiava com dissimulo.
Continuámos com "Prokletí domu Hajnů" ou “A Maldiçom da Casa dos Hajns”, produçom checoslovaca do ano 1989. Aqui vê-se com maior claridade umha linha narrativa onde um alpinista social introduz-se numha família burguesa dominada pola loucura. Vampirineda defende isto aludindo à fotografia e à ambiguidade…
playlist_add
25 may 2022
S03E18 - The Fly (1986)
Voejamos sobre a saga clássica e pousamos num dos filmes mais comerciais do Cronenberg senior: "The Fly" (1986); sendo esta a primeira vez que se passa polo podcast e estabelecendo um motivo para fiscalizar os gostos de um dos seus integrantes.
Comparamos esta decadência física de Jeff Goldblum com o relato original George Langelaan e com a primeira adaptaçom cinematográfica de Kurt Neumann. A de Cronenberg é umha versom muito mais livre e focada no deterioro orgânico do protagonista. Resulta ser umha maravilha que abre interrogantes sobre a condiçom humana e essas cousas. Mas o filme de 1958 tampouco está nada mal.
Falamos da nova carne e do realizador canadense, e da sua visom nom demasiado alegre da sexualidade feminina. Também descobrimos pontos em comum entre Geena Davis e algum personagem mítico da cidade corunhesa.
Numha surpreendente viragem dos acontecimentos, a posiçom extremista de Vampirineda é chave para levar "The Fly" (1986) à segunda posiçom do ranking Ma…
playlist_add
20 may 2022
S03E17 - The Changeling
Finalmente falamos das casas assombradas em Mal de Olho, da mão do filme canadense The Changueling (1980), traduzido livremente como O Canguelo; aquele da bolinha a cair polas escadas.
Neste novo visionado reencontramos umha história sobrenatural onde o personagem que interpreta George C. Scott deve ajudar um fantasma vingativo que mora na casa que acaba de comprar.
The Changeling é umha história sóbria e contida que deleitou o 75% do podcast. Neste caso, Vampirineda quebrou a unanimidade, talvez ressentido polo escasso entusiasmo que acordaram as suas vampiras lésbicas.
Completa-se esta entrega com umha conversa sobre as sagas, sobre o estilo cinematográfico de Sarmila Díaz e sobre a decadência de Álex de la Iglesia. Para a próxima semana temos por primeira vez Cronemberg senior, com o seu remake de The Fly.
RECOMENDAÇOM
Minx (série, 2022)
Espectra: descenso a las criptas de la literatura y el cine; Pilar Pedraza (ensaio, 2004)
Sole survivor (1984)
Euphoria, segunda temp…
playlist_add
6 may 2022
S03E16 - Les Lèvres Rouges
Reunimo-nos às 9 horas da manhã do primeiro de maio para aprendermos a pronunciar Les Lèvres Rouges, falarmos mal de Harry Kümel, perguntarmos-nos o que sabemos realmente da Bélgica e lembrarmos acender os micros no minuto 22. Isso é compromisso com a audiência.
Vampirineda passa quase todo o programa a exercer a complicada defesa do filme face o júri impiedoso de Mal de Olho. E é que esta história de mortes improváveis com vampiras sáficas sofisticadas e elegantes nom impressionou o resto do podcast.
Repassamos a histórica relaçom entre a condiçom vampírica e a orientaçom sexual, mencionando antecedentes históricos, literários e, principalmente, cinematográficos. Porém, para umha Sara ainda sem alcunha, o problema de Les Lèvres Rouges é precisamente ausência de vampiras e de lésbicas.
Deste jeito, e apesar do culto e do distinguível sabor europeu, as filhas da escuridão do Harry Kümel caem na parte baixa do nosso ranking entre os irados protestos pinedís.…
playlist_add
23 abr 2022
S03E15 - The Love Witch
Recuperamos a periodicidade semanal. Infelizmente, a ediçom nom foi tam rápida esta vez mas, em qualquer caso, aqui estamos novamente com um capítulo dedicado a The Love Witch. É isto um giallo ou é o que?
Com a oposiçom crítica de Miguel do Caixão, repassamos todas as sequências a louvar o gosto na realizaçom e as diferentes leituras que oferece o sub-texto. Todas confluem numha visom feminista com forte carácter de autora.
E isso porque a carreira de Anna Biller se caracterizou por fazer homenagem estilística ao cinema exploitation da década de 60 até tal ponto, que parece estarmos assistindo umha produçom genuína daqueles anos.
Para o próximo episódio, Vampirineda fica tranquilo porque vai falar de umha das suas “cousas”: Les Lèvres Rouges (1971); ou o que é o mesmo, umha peça destacada no extenso subgénero das vampiras lésbicas.
RECOMENDAÇOM
Vergvoktre (desenhador)
The Florida Project (2017)
Cubicle (curta, 2019)
Espíritu Sagrado (2021)
青空娘 / Aoz…
playlist_add
12 abr 2022
S03E14 - The Faculty
Nem a nossa crescente fama mediática a causa dos diretos do Cinema Lobeira, nem a exploraçom capitalista que enche as nossas agendas, nem os êxitos musicais, nem a recuperaçom de centros sociais, nem a COVID-19... nada podia evitar que cumpríssemos o nosso compromisso convosco, gente maldeolher. Assim foi que nos reunimos para gravar este episódio sobre The Faculty (1998)
Filme bem acolhido, que tivo as reservas de Churitético. Sara também assinalou visões noventeiras felizmente caducas, como o trato que o filme dá ao lesbianismo ou o discutível profissionalismo do claustro.
Seguimos um grupo estereotípico de adolescentes: o nerd, a animadora, o jogador de futebol americano, a gótica lésbica, a recém-chegada e o “homem renacentista”. Deverám sobreviver num enredo que homenageia clássicos como Invasion of the Body Snatchers, The Thing ou Terminator 2. Tudo para chegarmos a umha moral clara: a droga nom deve ser tam ruim quando ajuda a deter umha invasom do espaço e…
playlist_add
17 mar 2022
S03E13 - Evolution (o de 2015)
Neste décimo terceiro episódio da terceira temporada do nosso podcast, tratamos o filme de Lucile Hadzihalilovic, “Evolution” (2015). Mas como existem até oito produções com esse título, nem todos assistimos o mesmo filme, assim que Miguel do Caixão fará tudo o possível por falar de “Evolution” (2001).
O consenso, entre os que vimos o de Lucile Hadzihalilovic, destaca o aspeto formal, a atmosfera e a fotografia. Especulamos sobre os simbolismos que estam espalhados pola metragem e mostramos algumha reticência sobre o seu ritmo.
Além disso, tropeçamos com a diversidade linguística europeia, debatemos sobre zumbis e infetados ou falamos sobre as nossas primeiras incursões nas salas de cinema.
Florescem as contradições no último bloco a respeito de Dexter, Jacinto e aquele Gojira que confronta a burocracia estatal. Esperemos que “The Faculty” (1998), com o seu ar de saudade noventeira, venha a curar estas feridas históricas. BURP!
RECOMENDAÇOM
A Quiet Place…
playlist_add
5 mar 2022
S03E12 -Mês da mulher no terror #3
Special guest star: Sara Calvete
Ok. Regressamos à longa duraçom. Mas temos poderosos motivos. O principal é a visita da realizadora montealtesa Sara Calvete, com quem mantivemos umha interessantíssima conversa sobre temas substantivos concernentes à presença da mulher no género de terror. É o que somos agora: elevated podcast.
Como principal novidade deste especial, nom tratamos de um filme ou de um grupo de títulos ligados a umha temática, senom que repassamos com ela os diferentes cortes ou modos de representar a violência no terror e como as realizadoras emergentes se aproximam a esta temática.
Além disso, falamos do psicopata como puritano ou “vingador do código Hays”, comprometido com a puniçom das condutas desviantes, especialmente entre as mulheres jovens.
Tratamos também das diferentes representações das mulheres no género, observando com atençom como a “final girl” que antes sobrevivia graças às suas “virtudes morais”, hoje vence colaborando…
playlist_add
26 feb 2022
S03E11 - Mês da mulher no terror #2
Com umha semana de demora, subimos finalmente o episódio; sem secções nem concursos, mas com outros três filmes dirigidos por realizadoras neste Mês da Mulher no Terror. Para esta ocasiom, temos um thriller dramático, um slasher feminista e umha adaptaçom de Stephen King. Para todos os gostos!
Começamos com Lynne Ramsay e o seu "We Need to Talk About Kevin" (2011). Este tenso filme britânico trata sobre os dilemas de umha mai, interpretada por Tilda Swinton, acerca da relaçom com o psicopata do seu filho. Consenso em qualifica-la como RECOMENDAÇOM, mas dúvidas sobre se poderia enquadrar-se no terror.
Mais dúvidas suscitou "Lucky" (2020) de Natasha Kermani. Valorizamos neste slasher posmoderno de protagonista (Brea Grant) assediada por um assassino o relevante da mensagem, mas criticamos a absoluta falta de subtileza e um final pouco polido.
Remontamos no final com "Pet Sematary" (1989) de Mary Lambert. Adaptaçom cinematográfica de um dos livros mais terríficos do mestre…
playlist_add
18 feb 2022
S03E10 - Mês da mulher no terror #1
Atravessamos o equador de fevereiro e finalmente começamos o mês da mulher no terror. Iniciamos esta série com três filmes dirigidos por realizadoras, elemento que será umha constante nas próximas semanas e que pretende reivindicar o seu papel num mundo e num género dominado pola presença masculina.
O primeiro é Titane (2021), o trabalho de Julia Ducornau que venceu em Cannes e que deixou todo o mundo com cara de confusom. Este filme francês narra a ligaçom esquisita que se estabelece entre umha dançarina homicida e um chefe de bombeiros com crise de idade que perdeu um filho há anos. Parafilias abraiantes, violência, transumanismo, transgressões do género e reanimações a ritmo da Macarena. Tem tudo.
Continuamos com Saint Maud (2019) de Rose Glass; filme de A24 not so elevated. Este intento de redençom de umha artista em fase terminal por parte de umha enfermeira integrista totalmente perturbada já mereceu algumha recomendaçom em programas passados.
Acabamos com Da…
playlist_add
2 feb 2022
S03E09 - E tu vivrai nel terrore! L'aldilà
Fulci regressa ao podcast com o filme mais fulciano de todos: ...E tu vivrai nel terrore! – L’aldilà. O Pineda defende esta loucura como se fosse Gone with the Wind, enquanto Churi e Miguel olham para ele com desconfiança. O drama, o horror, a tragédia.
Percorremos novamente a trajetória do realizador romano e falamos também do guionista Dardano Sacchetti. Encontramos umha produçom com tudo: um hotel maldito, umha porta ao além, aranhas assassinas, zumbis, lesões oculares e muitíssimo gore do bom, do artesanal
Pineda destaca umha mensagem existencialista sombria, a adequada representaçom do terror cósmico e umha realizaçom competente de Fulci, chegando a afirmar que é um dos seus filmes de terror preferidos. Miguel e Churi vem detalhes, mas criticam o errático do enredo. Ouve-se de fundo o afiado das facas.
Debatemos sobre cans e “ghatos” num novo concurso e surpreende-nos fevereiro, o mês da mulher no terror. Improvisamos o formato para este evento e durante a s…
playlist_add
20 ene 2022
S03E08 - 2021 era isto
Umha glaciaçom, ugandeses voadores, a primeira presidenta dos EUA, um meteorito a ameaçar a Terra, robôs gigantes contra extraterrestres, Tóquio sob as águas, pen-drives humanos, guerra entre a humanidade e a tecnologia, um coventículo de bruxas feministas da após-Apocalipse ou a colonizaçom da lua. O ano 2021 pudo ser isso, mas foi o que foi.
Com um áudio como se gravássemos desde a órbita de Saturno, viajamos ao passado para ver como os filmes doutro tempo previam o futuro que habitamos. No serviço devido à comunidade maldeolher, até assistimos filmes em inglês ou tagalo sem legendas. Nom é que perdêssemos demasiado…
Assim, falamos de Long Shot, Tenki no ko, Carnage: Swallowing the Past, Resiklo, Seeking a friend for the end of the World, It’s all about love, Johny Mnemonic, The Sisterhood e Moon Zero Two. Neste episódio chamado 2021 era isto, mas que bem podia chamar-se Especial Chuches volumem 2.
Também debatemos sobre os formatos da ficçom graças a Odilo,…
playlist_add
30 dic 2021
S03e07 - Black Christmas (2019)
Segundo aniversário do podcast e Mal de Olho mantém as tradiçons. Como corresponde, falamos doutro refrit de Black Christmas, o de 2019. Pensai que depois do filme da passada semana e o desta entrega, só podemos remontar.
Um dos fatores mais irritantes de Black Christmas (2019) é que se chama Black Christmas. As referências ao clássico de 1974 ou ao discutível refrit de 2006 som absolutamente superficiais. É um enredo que pouco tem a ver com as precedentes, e que mesmo se permite introduzir um elemento sobrenatural ausente naquelas.
Outra objeçom é que nom tem subtexto, nem texto: tem “sobretexto”. O filme em todo momento está mais preocupado em deixar clara a sua posiçom sobre toda umha série de problemas (infelizmente reais) descuidando a correçom narrativa e o género onde se inscreve. Contudo, o pior é, com certeza, a crítica incel que nom considera os aspetos anteriores e simplesmente descarta-o pola mensagem. Nós nom jogamos na vossa equipa.
O bloco final de…
playlist_add
23 dic 2021
S03E06 - Virus (1999)
Mais umha vez temos que que pedir desculpas pola demora. Temos o propósito para o 2022 de recuperar a regularidade e a qualidade do som. E talvez, de comentar filmes melhores. Porque esta semana…
A vítima da nossa feroz fiscalizaçom (incluída a do novo “Churi malote”) é Virus (1999); onde nos reencontramos, logo de umhas poucas semanas, com Jamie Lee Curtis. A protagonista chegou a afirmar que é o pior filme no que algumha vez trabalhou. Assim que dá para imaginar.
No seu favor, Virus resulta entretido e tem algum momento onde até se permite homenagear alguns referentes ilustres, como The Thing, Terminator ou Alien.. Na sua contra… todo o resto. E incluímos as interpretaçons, mesmo contando com a participaçom da própria Jamie Lee Curtis, Donald Sutherland ou William Baldwin (o irmão).
Mas isto foi duro? Pineda afirma que nom conhecemos a dor. Logo de divagar na secçom de recomendaçons, anuncia o momento que todos temíamos: é o segundo aniversário do podcast e…
playlist_add
29 nov 2021
S03E05 - Filmes de terror que nom existem, dentro de filmes que sim.
Chega o capítulo quinto da terceira temporada do podcast, que bem poderia conhecer-se como “Mal de Olho vs. Capitalism”. O trio podcaster luita para quadrarem as suas agendas semanais repletas de obrigas e para editar os áudios atempo. Fai-se o que se pode.
Neste episódio de título impossível (“Filmes de terror que nom existem, dentro de filmes que sim”) falamos das falsas peças de ficçom que estam incluídas em séries ou longa-metragens e que concentram alguns dos clichés do género. E, claro, acabamos divagando.
Logo de desejar muito que se realizem os falsos trailers de Grindhouse, Miguel anuncia que o próximo filme em passar por aqui será Virus (1999), de novo com Jamie Lee Curtis. A ver quando é que podemos gravá-lo!
RECOMENDAÇOM
Historias para no dormir (série, 2021)
El Apego (2021)
The Fall (série, 2013)
The Vast of Night (2019)
Medusa (2021)
Coming home in the dark (2021)
PREVENÇOM
Poltergeist (2015)
Venom: Let There Be Carnage (2021)
Extraterrestria…
playlist_add
19 nov 2021
S03E04 - His House
Na vez de Churi, vamos diretos para o cinema de terror de contido social com o filme britânico His House (2020), umha longa-metragem que trata umha temática infelizmente real e muito mais terrorífica do que os supostos fantasmas.
Em His House, seguimos as desventuras de um casal de refugiados do Sudão do Sul no seu intento de integrar-se numha vila inglesa. Rápido, os fantasmas do passado manifestam-se no novo fogar de acolhida como um inevitável retorno daquilo reprimido no seu percorrido até a Europa.
Existe consenso mais umha vez em colocar este filme como RECOMENDAÇOM, ainda que Pineda manifeste algumha reticência sobre os discursos explícitos na tela. Mas, com certeza, foi um dos títulos destacados do passado ano.
No bloco final, abre-se um debate sobre o panoscosmatismo e louva-se a figura do actor multipremiado e sobrinho de Copola, Nicolas Cage. Anuncia-se também um especial sobre filmes de terror fictícios que aparecem em obras de ficçom. Lembrades algum?
RECOM…
playlist_add
11 nov 2021
S03E03 - Halloween 2, agora é pessoal
Quase duas semanas depois do samaim, Michael Myers passa por Mal de Olho na que, segundo Pineda (apenas ele), é a melhor sequência da saga. Trata-se de “Halloween 2, agora é pessoal” (1981); num programa que graças à exploraçom capitalista, mal consegue durar duas horas (conseguimo-lo!).
Realiza-se umha louvança insólita de um filme que nem os próprios responsáveis defendem e produz-se um nom menos insólito consenso em qualificar esta segunda entrega do assassino de Haddonfield de RECOMENDAÇOM.
Fala-se da notável interpretaçom de Donald Pleasence, dos problemas da produçom,da continuidade narrativa com o primeiro filme, do parentesco entre Myers e Stroode, do subgénero slasher e dos seus clichés, como a final girl e o gore. De feito, destaca-se este último aspeto como elemento diferenciador do filme original.E claro, resulta inevitável a comparaçom com o resto da saga, onde Pineda parafraseia Vito Corleone: “Look how they massacred my boy”.
Na sua contra, ad…
playlist_add
3 nov 2021
S03E02 - End of Days
Por problemas informáticos ou, como diriam os boomers, “com o ordenata”; o episódio segundo desta terceira temporada sai com umha certa demora. Pedimos desculpas. Nesta ocasiom, volvem florescer as contradições do nosso grupelho podcaster com motivo de End of Days (1999), primeira vez que se comenta no programa um filme de “Schwazy”.
Trata-se de umha produçom finais do “milénio” (“entre aspas”) próxima aos thrillers da década e a algum outro filme de temática apocalíptica e satânica. O conjunto é um equilíbrio complexo de açom e terror que gera bastante polémica em Mal de Olho, na hora de valoriza-lo.
Miguel interpreta um fervoroso advogado da defesa e assinala o entretenimento da proposta, as cenas de açom bem executadas, e a atuaçom de Gabriel Byrne no papel do diabo (doravante, “Seitam”). Pineda e Churi fiscalizam sem piedade esta fita noventeira recriminando que nom é terror, o escasso talento de Schwarzenegger, os buracos no enredo ou a actua…
playlist_add
28 oct 2021
S03E01 - Sitges 2021
Começamos a terceira temporada deste, o vosso podcast, com o capítulo mais extenso do que levamos até hoje. Oferecemos umha panorâmica do que será (e está a ser) o terror pós-pandemia através de 42 filmes exibidos no Festival de Sitges. Nele, falamos de cousas, aparecem cousas e acontecem cousas. Como nom assistir?
Iniciamos o assunto de modo sério, a falar do que talvez seja o melhor festival de cinema fantástico do mundo. Mas, com o transcorrer das horas e das cervejas, acabamos perdendo totalmente os papeis. Isso sim, lembramos vagamente ter tratado assuntos tam diversos como Romero, novos amigos famosos, elevated horror, meigas galesas,Michael Myers contra Los Mallos Unidos, psicodelia, Noomi Rapace, empanadas, hypes, mundos apocalípticos, Escandinávia, pandemias, veganismo, o anticristo,assassinas transgénero ou lobisomens. Sem esquecer o linchamento a um dos piores filmes que já passaram por cá.
O consenso geral assinala que este foi um ano bastante decente, com hy…
playlist_add
14 sept 2021
Summer Special
Era demasiado tempo sem gravar, assim que matamos a abstinência até o Especial Sitges 2021 com um outro especial sobre três filmes que têm esta época estival como ambientaçom. Ainda que também podia ser um especial sobre filmes que servem para pagar faturas.
Começamos por todo o alto com The Texas Chainsaw Massacre (1974), clássico de Tobe Hooper e resultado de umha rodagem infernal. Falamos do clima cultural da altura, de Ed Gein e até da máfia. Unanimidade na hora de valorizar positivamente esta pérola, que consegue perturbar apesar dos anos.
O segundo filme nom foi assim ummha escolha tam feliz. Logo de assistir Piranha (1978), os sorrisos de Churi e Pineda ficarom congelados. Tinham a lembrança de quando viram de crianças e, na sua imaginaçom, este eco-terror de Joe Dante produzido por Corgman era um filme bastante melhor. Prevençom do dia, ainda que nom deixa de ser um produto desfrutável.
Acabamos com Friday the 13th (1980), fita que acorda umha apaixonada defes…
playlist_add
1 jun 2021
Season Finale - A Serbian Film
Acabamos mais umha temporada, a segunda, tal e como acabamos a anterior: fazendo estômago para falarmos dum dos filmes mais polémicos da história do género. Até temos um podcaster que assistiu ao último passe antes de ser proibido no Estado Espanhol, a partir dumha campanha de pânico moral que inspira um pouco de vergonha. Aqui, no vosso Galician Podcast.
Em termos gerais, o filme que levávamos na cabeça era bem pior que o que resultou no visionado. E ainda assim, nom deu para dizer que nom era para tanto. A Serbian Film (2010) iria direto aos Video Nasties se ainda existissem e, seja como for, o chocante do enredo nom nos pareceu a ferramenta mais adequada para transmitir umha mensagem; ora sobre a sociedade de pós-guerra, ora sobre o cinema sérvio.
Pineda defende os valores artísticos do assunto, Miguel afirma que é apenas shock value e Churi fica num ponto intermédio. De qualquer modo, abre-se um interessante debate sobre os limites da arte, sobre a censura e sobre a…
playlist_add
25 may 2021
S02E29 - Especial Chuches
Penúltimo capítulo da temporada e temos o anunciado Especial Chuches, onde confrontamos três produções com um mínimo comum denominador: mal se podem desfrutar na sua plenitude sem algum grau de alteraçom da consciência. É umha categoria onde hai muitos filmes, mas nós assistimos o último de Nicolas Cage, um mublegore de zumbis demencial, e a obra-prima de Glenn Danzig.
Começamos com o mais decente do que falaremos hoje. Estreado este mesmo ano, Willly’s Wonderland é o Five Nights at Freddy’s de Kevin Lewis; quem pom de protagonista um Nicolas Cage sem umha só linha de diálogo, mas com um improvisado baile que forma já parte da história do cinema. Um body-count de adolescentes idiotas serve para redondear este divertimento fácil.
Recebemos a primeira grande labaçada com Zombie Nation (2004). Pobres localizações, diálogos acartonados, situações inverosímeis, montagem de loucos… Som os ingredientes desta reinvençom do mito zumbi por parte de Ulli Lommel. C…
playlist_add
18 may 2021
S02E28 - Development Hell
Foi Frederick Krueger acusado injustamente duns crimes cometidos em realidade por Charles Manson? Seria acolhido Elliot no planeta de E.T. com a mesma crueza com a que foi tratado este na Terra? Como é que Jason Voorhees, um adolescente de 16 anos que vive ao lado dum lago, nom sabe nadar? Houvo quem já pensou nisto tudo mas, infelizmente, os seus filmes nom acabarom por ser levados à tela. Calma: aqui estamos nós para deitar luz na obscuridade.
Neste Development Hell, ou Filmes que Nom Forom Feitos e que Prestava Ver, falaremos de cousas tam diversas como o que poderia ter sido a saga de Candyman ou Resident Evil se tomassem umha outra direçom, crossovers impossíveis, Lovecraft visto por Guillermo del Toro, Schwarzenegger contra vampiros apocalípticos ou Michael Myers com Lee Van Cleef deixando um fio de cadáveres pola Rota 66.
Aparecem nomes ilustres como Alfred Hitchcock, Dario Argento, Mario Bava, George A. Romero, David Fincher, Karyn Kusama, Tobe Hooper ou Quentin Tarant…
playlist_add
11 may 2021
S02E27 - Horror Fan Films
Somos fãs de muitas cousas: de Halloween, de Nightmare on Elm Street, de Friday the 13th, de Alien, de Predator, dos gremlins, dos critters, de Carrie, de The Thing… Mas, acima de tudo, somos fãs do CS Gomes Gaioso, que gentilmente acolhe iniciativas diversas como a nossa própria. Por isso nom entendemos o seu feche cautelar e esperamos que se imponha a razom e reabra em breve.
Para além do parágrafo de terrores infelizmente reais, neste capítulo 27 da segunda temporada também falamos dos fictícios. Tratamos das grandes sagas do género, mas como forom reintepretadas polos fãs em filmes tributo. Assim, temos um Michael Myers depressivo no dia de defuntos, um Krueger sem queimaduras de terceiro grau, Tiffany e Chucky antes de serem bonecos; umha luita improvável entre Batman, o Joker, Alien e Predator; a comercializaçom massiva de gremlins ou as duras convenções sociais depois dumha noite de Purga.
Falamos brevemente de 37 filmes, na sua maioria curtas e, quase todos, rai…
playlist_add
5 may 2021
S02E26 - La Residencia
Enquanto medram as suspeitas por volta do suposto vampirismo de Pineda, este desvia a atençom para La Residencia (1969), filme debute de Narciso Ibáñez Serrador; realizador de curta carreira no cinema porque, do mesmo jeito que algum dos seus personagens em Historias para no dormir, foi engolido pola televisom. Para maior glória do entretenimento familiar, isso sim.
Consenso da (nossa) crítica: fermoso filme gótico sobre a repressom sexual que deveu fazer arquear as sobrancelhas da censura. Lesbianismo, sadomasoquismo e sexo pré-marital som tratados com extrema elegância e subtileza, talvez para contornar as tesouras.
Aqui vemos influências do gótico italiano, do giallo e da Hammer. Falamos doutros filmes, como La Frusta e il Corpo, I Tre Volti della Paura, Psycho, Der heisse Tod ou ¿Quién Puede Matar a un Niño? Também mencionamos alguns capítulos produzidos para a televisom.
Miguel e Churi levam de colar réstias de alhos entretanto anunciam um novo especial. Falaremos…
playlist_add
27 abr 2021
S02E25 - The Lost Boys
Em Mal de Olho, a proposta de Miguel, empreendemos umha viagem saudosa à década dos 80 para assistirmos aos fenómenos culturais que marcaram a infância de Churi e Pineda: cabelos cardados, moda de duvidoso gosto, problemas sociais, adições e música que as novas gerações desconhecem. Tudo através do filme The Lost Boys (1987), aquele onde o cantante de Europe morre numha banheira de água benta.
Aqui seguimos as aventuras dos irmãos Emerson na perigosa Santa Carla. Michael (Jason Patric) descobre o vampirismo através do amor (do amor heterossexual) por Star (Jami Gertz). O contacto com a banda de Kiefer Sutherland, com a sua particular dependência do sangue humano, explora as angústias da família conservadora da era Reagan; principalmente, aquelas que têm a ver com o desvio dos filhos: às más companhias, as bandas, as drogas e o amor (o amor homossexual).
Aqui hai aventuras juvenis tipo Goonies, vampirismo desenfadado tipo Fright Night ou Buffy e, de modo especial, jo…
playlist_add
21 abr 2021
S02E24 - Brightburn
Um grande poder comporta umha grande responsabilidade. Por isso, apesar das dificuldades, subimos o capítulo 24 desta segunda temporada com apenas um dia de demora. Nesta ocasiom, tratamos o tema dos kryptonianos que nom querem salvar a humanidade. Nom lhes faltam motivos.
O consenso da (nossa) crítica coincide em qualificar Brightburn como um filme muito entretido, correto e surpreendentemente gore. Contudo, os remates da obra nom som inteiramente satisfatórios e, por vezes, parece pecar de certa precipitaçom.
A conversa dá para falar da história da banda desenhada, das crianças malvadas no cinema ou da crise da masculinidade e da família patriarcal. Também doutros títulos, como The Omen, Watchmen, Defendor ou Super. Concordamos em que talvez expandir o universo de Brightburn nom seja a melhor das ideias.
Havia tempo que nom tínhamos vampiros no programa, assim que Miguel propõe The Lost Boys (1987), de Joel Schumacher, para analisarmos durante o capítulo vigésimo quinto…
playlist_add
13 abr 2021
S02E23 - Little Shop of Horrors (1986)
Special guest star: Ana Gronzo
Desde o Junho passado que nom temos convidados no programa. Mal, muito mal. Devíamos pôr remédio. Assim que chamamos a Ana Gronzo, a nossa particular esperta em musicais, para ter umha animada conversa com ela sobre Little Shop of Horrors (1986), remake do musical de 1982 e este, pola sua vez, adaptaçom dum clássico de Roger Corman (1960) que bateu o recorde de austeridade em relaçom ao orçamento e dias de rodagem.
Como Rocky Horror Picture Show, Phantom of the Paradise, Sweeney Todd, Stage Fright, Córki Dancingu ou Anna and the Apocalypse, estamos face umha comédia musical com elementos de terror; o que fai Pineda torcer o rosto em sinal de ceticismo. Porém, hai consenso nas louvas às canções e às interpretações; a incluir Rick Moranis, para desgosto de Michael Paré.
As discrepâncias, no final, tampouco som tantas. Centram-se um pouco na atitude de Seymour e em qual dos dous finais rodados é melhor. Aliás, permite um lindo momento de…
playlist_add
5 abr 2021
S02E22 - Come True
Qual prisioneiros do Cubo, avançamos mediante o método do ensaio-erro. Hai algumhas semanas descobrimos que nom é demasiado conveniente fazer a gravaçom semanal durante a sessom vermute. Neste episódio dedicado ao filme canadense Come True (2020), constatamos que talvez fazê-lo depois, tampouco é que seja a melhor das ideias.
Miguel e Churi sentem que forom vítimas dumha cruel inocentada de Pineda, por ter trazido a segunda longa de Anthony Scott Burns o primeiro de Abril; mas este alega que o único recriminável do filme é a sua ardilosa reviravolta final. Vemos relações de Come True com Stranger Things, Abre los Ojos, Under the Skin, The Cell, It Follows ou Drive. Ademais, mencionamos as inspirações confessas de Scott Burns; como Vincenzo Natali, Cronenberg, Kubrick. Brian de Palma, Nicolas Roeg ou a saga de Sleepaway Camp.
Enredamos-nos numha discussom sobre o significado do filme: é tudo um sonho? Apenas umha parte? Deveria Sarah (Julia Sarah Stone) chamar a políci…
playlist_add
31 mar 2021
S02E21 - Cube (II)
Depois da agitada sessom vermute na que gravamos o anterior episódio, recuperamos a calma para falar duns nachos num cubo. Depois de assistir o debute de Vincenzo Natali, chegamos à conclusom que fugir dumha megaestrutura cheia de armadilhas empregando as matemáticas, pode resultar difícil; mas nom o é tanto como as matemáticas necessárias para compreender o funcionamento do atual campeonato da segunda divisom B.
O consenso da crítica (da nossa) coincide em louvar Cube (1997) como um original exercício de terror e sci-fi que, nom obstante, nom pode ocultar algumhas costuras visíveis com o passo do tempo.
Contudo, a originalidade é inegável e aqui destacamos alguns títulos que provavelmente se inspirarom nele: a saga de Saw, Identity, Circle ou El Hoyo. Também mencionamos alguns precedentes interessantes, como o capítulo de The Twilight Zone "Five Characters in Search of an Exit", a curta de Natali Elevated ou The Running Man.
Infelizmente, também falamos de Cube²: Hype…
playlist_add
30 mar 2021
S02E21 - Cube (I)
Depois da agitada sessom vermute na que gravamos o anterior episódio, recuperamos a calma para falar duns nachos num cubo. Depois de assistir o debute de Vincenzo Natali, chegamos à conclusom que fugir dumha megaestrutura cheia de armadilhas empregando as matemáticas, pode resultar difícil; mas nom o é tanto como as matemáticas necessárias para compreender o funcionamento do atual campeonato da segunda divisom B.
O consenso da crítica (da nossa) coincide em louvar Cube (1997) como um original exercício de terror e sci-fi que, nom obstante, nom pode ocultar algumhas costuras visíveis com o passo do tempo.
Contudo, a originalidade é inegável e aqui destacamos alguns títulos que provavelmente se inspirarom nele: a saga de Saw, Identity, Circle ou El Hoyo. Também mencionamos alguns precedentes interessantes, como o capítulo de The Twilight Zone "Five Characters in Search of an Exit", a curta de Natali Elevated ou The Running Man.
Infelizmente, também falamos de Cube²: Hy…
playlist_add
21 mar 2021
S02E20 - Jacob's Ladder (1990)
Logo de passar umha semana sem podcast, nom podíamos faltar nesta ocasiom à nossa cita com a gente maldeolher. Ainda que tivéssemos que gravar em plena sessom vermute do Gaioso em honra de Sam José (Estaline); evento apenas comparável a certas festas do purgatório no Brooklyn do New York pre-Giuliani ou pior, às obscuras madrugadas no subsolo do Rus, onde bem podias acabar por fazer twerking com um morcego gigante.
Neste incidentado episódio, cheio de interrupções, sons de autoclismo e gíria corunhesa; abordamos Jacob’s Ladder (1990) ou, como preferimos chamar, A Escaleira de Jacobe. Puxamos dos diversos fios que deixam as diferentes capas de leitura: a reflexom místico-religiosa, a síndrome do Vietname, a paranoia conspiradora, etc.
No desafortunado percurso de Jacob Singer (Tim Robbins), aproveitamos para mencionar outros títulos relacionados, como Ghost, Silent Hill ou Homecoming. Vemo-nos no triste dever de falar do refrit de 2019, ainda que preferíssemos viajar ao…
playlist_add