ستيغما
Rozana - ﺭﻭﺰﻧﺓ
Subscribe
نحنا أحياناً منحط علامة عالناس وهي العلامة متل ختم على جبين هالشخص وتحديداً يلي عندهم اضطرابات نفسية وبتلحقه هالوصمة بكل تفاصيل حياته إذا بدو يتزوج وإذا بدو يشتغل وإذا بدو يجيب ولاد مثلاً. لأول مرة سيتم مشاركة تفاصيل رحلة 15 قصة حقيقية مع الاضطراب النفسي والوصمة والظروف الصعبة والقاسية يلي مروا فيها وكيف قدروا يتجاوزوا كل هاد بالمساعدة والدعم النفسي يلي حصلوا عليه سلسلة بودكاست "ستيغما" بالتعاون بين أوسوم وروزنة
Available episodes
Newest first
Oldest first
3 days ago
المجتمع بلش يقول الشيخ مجنون وفقد عقله
أحياناً منفكر إنو نحنا مستحيل يصير معنا هيك شي لما بتكون حياتنا عادية وما في أي شي ممكن يخلينا نكتئب، وبخاصة إذا أنا شخص خلص دراسة وصارت كلمته مسموعة بمحيطه بهالحالة بصير كتير صعب نعترف بإنو نحنا مصابين بالاكتئاب. خلينا نسمع الشيخ أبو حسن وجراءته بنقل تجربته مع الاكتئاب. سلسلة بودكاست "ستيغما" بالتعاون بين أوسوم وروزنة.
playlist_add
Nov 30, 2023
حلمي بس بابا ما يضرب الماما
في أشياء نتعرض لها نحنا وصغار مثل الضرب من أهلنا ومنفكر هاد الشي صح، لكن لما بتظهر نتائجه على شكل خوف واضطراب نفسي ولما منكبر وبيترافق مع ظروف قاسية معه شو بيصير؟ خلينا نسمع غسان ورحلته مع الاكتئاب وكيف قدر يتغلب عليها. سلسلة بودكاست "ستيغما" بالتعاون بين أوسوم وروزنة.
playlist_add
Nov 24, 2023
نقطة قوتي زوجتي وأقرب على ولادي من حبل الوريد
لما حدا من يلي حوالينا بيمر بفترة يعاني فيها من مشكلة أو اضطراب نفسي، أهم شي نبقى حواليه ونقدمله الدعم اللازم، العلاج النفسي والأدوية بدون المحيط الداعم بالاضطراب النفسي بخلي رحلة العلاج والتعافي تصير طويلة وصعبة. خلينا نسمع أبو علي وكيف كان أهم شي بتجربته تجربة الاكتئاب يلي مر فيها هو الناس يلي حواليه ويلي دعمته. سلسلة بودكاست "ستيغما" بالتعاون بين أوسوم وروزنة.
playlist_add
Nov 19, 2023
وسواس عم يشككني بمرتي رح يجنني
وقت بتسيطر علينا أفكار وبتصير تتعبنا كتير لدرجة نمرض ونتوجع، وما عاد ننام الليل ويلي حوالينا بيبلشوا ينصحونا إنو ما إلنا غير الرقية الشرعية لنطلع الجني من راسنا شو منعمل؟ خلينا نسمع أبو محمد، وكيف قدر يتخلص من الأفكار الوسواسية يلي سيطرت على تفكيره وشو ومين يلي ساعده؟ سلسلة بودكاست "ستيغما" بالتعاون بين أوسوم وروزنة.
playlist_add
Nov 13, 2023
احمدي ربك إني اخذتك ورضيت فيكي
المحيط الداعم يعني عيلتك يلي حواليك والناس يلي بتحبك هو الأهم لتخفف من اضطرابك والضيق النفسي مهما كان صعب أو قاسي، وهو نفسه يلي بيحميك من الوصمة يلي ممكن تلحقك. فادية رح تحكيلنا كيف أمها كانت سندها الأول بتجاوز حالة الذهان يلي مرت فيها بالإضافة للمساعدة يلي تلقتها من فريق الدعم النفسي بأوسوم.
playlist_add
Nov 8, 2023
أمي بس أكبر رح عوضِك عن ظلم العالم كله
أحياناً لما الدنيا بتضيق علينا ومنشعر أن الظلم لاحقنا بكل حياتنا، وشو ماعملنا ما عم يتغير معنا شي بحياتنا، شو الشعور النفسي يلي ممكن يسيطر علينا؟ وكيف فينا نتغلب عليه؟ خلينا نسمع تجربة فاطمة كيف كان ابنها الصغير جزء من قوتها، وعن استمرارها رغم كل الظلم يلي مرت فيه. سلسلة بودكاست "ستيغما" بالتعاون بين أوسوم وروزنة.
playlist_add
Oct 23, 2023
خلوني بس شمه لابني قبل ما تاخدوه مني
نحنا السوريين كلياتنا عشنا الحرمان، بس كل واحد فينا عاشه بشكل مختلف، وتعاملنا مع هذا الحرمان كمان مختلف. خلينا نسمع تجربة أم محمد مع الاكتئاب بعد ما انحرمت من وليدها الأول، ولا قدرت حتى تشمه وتبوسه؟. سلسلة بودكاست "ستيغما" بالتعاون بين أوسوم وروزنة.
playlist_add
Sep 28, 2023
معقول كون سبب موت أخي!؟
شو ممكن تعمل؟ وكيف ممكن تعيش مع الذنب والوصمة؟ يلي ممكن تلحقك بعد ما حدا من حبابك ينهي حياته، والأصابع كلها عم تشير عليك بأنك أنت السبب!… خلينا نسمع أبو نزار ورحلته مع هي الوصمة، وكيف تغلب عليها. سلسلة بودكاست "ستيغما" بالتعاون بين أوسوم وروزنة.
playlist_add
Sep 19, 2023
!فقدت أغلى ما عندها بالزلزال
في كتير منا عاش لحظات الخوف والرعب وقت زلزال شباط، وفي كتير منا شاف الموت وفي منا مات فعلاً وفقدنا كتير من أحبابنا وصحابنا. أم محمد فقدت أغلى ماعندها، وهون بلشت رحلتها مع الاضطراب النفسي خلونا نسمع تجربتها وكيف قدرت تتغلب عليها وعلى الوصمة يلي لحقتها وحست فيها. سلسلة بودكاست "ستيغما" بالتعاون بين أوسوم وروزنة.
playlist_add
Aug 29, 2023
أثر انفصال الأهل على الأطفال
أحيانا الأهل صعب يقدروا شو الآثار يلي بتتركها أفعالهم وتصرفاتهم على أطفالهم وأديش بتنعكس نتائجها على حياة وردود أفعال ولادهم سارا عانت من الاكتئاب بعد ما أبوها طلق أمها بسبب دخول امرأة أخرى على حياته كيف تعاملت سارا مع الموضوع وقدرت تتجاوز إضطرابها النفسي
playlist_add
Aug 7, 2023
تجربة أبو عبدو مع الاكتئاب بعد الاعتقال والإصابة
أبو عبدو بيحكيلنا رحلته مع الاضطراب النفسي، وهو الاكتئاب يلي أصابه بعد الاعتقال ومن بعدها إصابته بالقصف، وكيف قدر يطلع منه (أو يتغلب عليه) ويرجع للحياة. اسمعوا قصة أبو عبدو وتجربته مع الاكتئاب. سلسلة بودكاست ستيغما بالتعاون بين روزنة وأوسوم.
playlist_add
Jul 9, 2023
طفلة شهدت مقتل أمها على يد أبيها
طفلة شهدت حدثاً صادماً فقدت معه أمها وتحملت وصمة من المجتمع بشي بين أمها وأبيها ما كان إلها أي علاقة فيه. تعرفوا إلى تجربة الطفلة نور مع اضطراب ما بعد الصدمة واسمعوا قصتها بصوت عمتها. سلسلة بودكاست ستيغما بالتعاون بين روزنة وأوسوم
playlist_add
Apr 16, 2023
نور حداد وثنائي القطب
أحيانا منختصر إنسان عندو حياة ومشاعر بكلمة "مجنون" بس لأنو عندو اضطراب نفسي ومننسى إنو هو عندو تفاصيل بعيشها متل أي حدا، ومنوصمه بهاد الإضطراب ومنحكم عليه كل حياته من خلال هادا الشي بس. تعرفوا على تجربة نور حداد مع ثنائي القطب / البايبلور واسمعوا قصتها بصوتهاسلسلة بودكاست ستيغما بالتعاون بين روزنة وأوسوم
playlist_add
Apr 14, 2023
شو يعني ستيغما أو الوصمة؟
نحنا أحياناً منحط علامة عالناس وهي العلامة متل ختم على جبين هالشخص وتحديداً يلي عندهم اضطرابات نفسية وبتلحقه هالوصمة بكل تفاصيل حياته اذا بدو يتزوج واذا بدو يشتغل وإذا بدو يجيب ولاد مثلاً لأول مرة سيتم مشاركة تفاصيل رحلة 15 قصة حقيقية مع الاضطراب النفسي والوصمة والظروف الصعبة والقاسية يلي مروا فيها وكيف قدروا يتجاوزوا كل هاد بالمساعدة والدعم النفسي يلي حصلوا عليه سلسلة بودكاست "ستيغما" بالتعاون بين أوسوم وروزنة
playlist_add