DUPLEX presenta
DUPLEX Cinema
Subscribe
O podcast mensual con toda a información sobre a carteleira e as novidades de DUPLEX Cinema, a túa sala en Ferrol.
Available episodes
Newest first
Oldest first
Mar 24, 2023
DUPLEX presenta #16 -Álvaro Gago
Entrevista con Álvaro Gago co gallo da estrea do seu filme Matria, seleccionado na pasada edición do festival de Berlín, onde foi recibido con grande éxito de público. A historia, centrada nunha muller traballadora contra as adversidades do seu día a día, conta con María Vázquez de protagonista, quen levou o premio á mellor interpretación no festival de Málaga.
playlist_add
Jan 25, 2023
DUPLEX presenta #15 - Tempada de premios
Facemos un repaso polos títulos máis agardados desta tempada de premios 2023. Comentamos TÁR, de Todd Field; Almas en pena en Inisherin, de Martin McDonagh; e Os Fabelman, de Steven Spielberg. Tres grandes filmes que compiten por alzarse cos principais premios da Academia de Hollywood. Estreas entre o 27 de xaneiro e o 10 de febreiro.
playlist_add
Dec 6, 2022
DUPLEX presenta #14 - Ángeles Huerta
Falamos con Ángeles Huerta, directora de 'O corpo aberto', que adapta o relato homónimo arraiano de Méndez Ferrín. Con moita influencia da literatura gótica, é un atmosférico filme fantástico protagonizado por Tamar Novas. O actor e a realizadora presentarán o filme en DUPLEX Cinema o sábado 10 de decembro.
playlist_add
Nov 8, 2022
DUPLEX presenta #13 Diego Anido
Entrevista co actor Diego Anido pola estrae de As bestas, de Rodrigo Sorogoyen, o 11 de novembro. O filme, estreado en Cannes con grande acollida crítica e premio do público en Donostia, é un intenso thriller rural no que Anido fai un dos papeis principais. Presentará e debaterá o filme co público no noso cinema o día da estrea.
playlist_add
Oct 4, 2022
DUPLEX presenta #12 - Javi Camino
Conversa co realizador Javi Camino co gallo da estrea o 7 de outubro de 2022 do seu filme Jacinto, unha persoal achega entre o terror e a comedia, ambientada na Galicia rural, cun magnífico Pedro Brandariz de protagonista. A fita obtivo un total de catro premios Mestre Mateo, entre eles o de actor principal.
playlist_add
Mar 25, 2022
DUPLEX presenta #11 - Alfonso Zarauza
Entrevista ao realizador Alfonso Zarauza sobre o seu último filme, Malencolía.
Os temas musicais son Despois do baile e Outono de fios eléctricos, de Chicharrón, incluídos na banda sonora.
playlist_add
Jan 7, 2022
DUPLEX presenta #10 - Marcos Nine
Entrevista a Marcos Nine co gallo da presentación do seu último filme, A virxe roxa, o vindeiro 15 de xaneiro ás 19:45. Relato centrado no historia real de Aurora Rodríguez e a súa filla Hildegart, referente intelectual da Segunda República que a súa nai asasinou mentres durmía.
playlist_add
Nov 29, 2021
DUPLEX presenta #09 - cinema galego en decembro
Decembro de 2021. Un mes no que coinciden varios coloquios con cineastas galegos en DUPLEX Cinema. Ignacio Vilar presenta Maria Solinha o sábado 4; o seguinte sábado, día 11, Chelo Loureiro fai o propio con Valentina; pechamos con Darío Autrán e El cuarto de Mona o día 18. Falamos con todos eles sobre os seus filmes nesta última entrega de DUPLEX presenta.
playlist_add
Nov 18, 2021
DUPLEX presenta #08 - Europa Cinemas Lab
Conversa con colegas doutros cinemas españois no marco do Festival de Sevilla, onde tivo lugar o Europa Cinemas Lab, unha sorte de congreso que xuntou máis de 40 salas de 19 países de toda Europa. Falamos con Carolina Góngora, dos Cine Paz de Madrid, e con Javier Pachón, dos Cine Ciutat de Palma de Mallorca, sobre algúns dos asuntos que discutimos no obradoiro durante catro intensos días.
playlist_add
Oct 17, 2021
DUPLEX presenta #07 - Jonás Trueba
Entrevista co realizador madrileño Jonás Trueba con motivo da estrea do seu último filme, 'Quién lo impide', en salas dende o 22 de outubro. A fita ven de colleitar un grande éxito en Donostia, onde foron premiados os seus mozos actores e onde levou o galardón da crítica.
playlist_add
Sep 23, 2021
DUPLEX presenta #06 - Paul Verhoeven
Falamos coa programadora especializada en cinema fantástico e de terror, María Núñez, sobre a obra de Paul Verhoeven. O 1 de outubro estreamos 'Benedetta' e un día antes, o 30 de setembro, recuperamos en DUPLEX DÚO a súa fita de culto 'Desafío total'.
playlist_add
Sep 2, 2021
DUPLEX presenta #05 - Catarina Vasconcelos
Presentación da carteleira de setembro de 2021. Falamos coa directora portuguesa Catarina Vasconcelos sobre o seu filme 'A metamorfose dos paxaros'.
playlist_add
Mar 31, 2021
DUPLEX presenta #04 abril 2021
Novo episodio de DUPLEX presenta, o teu podcast sobre as novidades de DUPLEX Cinema (Ferrol). Revisamos as estreas do mes de abril e falamos co realizador galego Álvaro Gago da obra de Chloé Zhao, que con Nomadland (en carteleira), parte de favorita para os premios Oscars en 2021.
playlist_add
Mar 11, 2021
DUPLEX presenta #03 - marzo 2021
Entrevista con Margarita Ledo sobre o seu filme Nación, de estrea o 26 de marzo.
Repaso ás estreas do mes.
playlist_add
Jan 8, 2021
DUPLEX presenta #02 - 08/01/2020
Segunda entrega de DUPLEX presenta, o podcast sobre as novidades do teu cinema en Ferrol. Realizamos unha breve análise de todos os títulos de estrea que poderemos ver neste mes de xaneiro de 2021.
playlist_add
Dec 30, 2020
DUPLEX presenta #01 - 30/12/2020
Inauguramos podcast de DUPLEX Cinema, a túa sala de cinema en Ferrol. Nesta primeira entrega comentamos co cineasta Eloy Domínguez Serén a reestrea de 'Desexando amar', de Wong Kar-Wai, restaurada en 4K polo seu 20º aniversario. Tamén falamos co noso director e programador Ramiro Ledo das nosas últimas novidades e facemos repaso deste primeiro ano de DUPLEX baixo a nosa xestión.
playlist_add