Podcast de Proxecto Neo
Proxecto Neo
Subscribe
Proxecto Neo é o resultado da colaboración entre Radio Burela e a área de Innovación Educativa do Instituto Perdouro.
Estamos en antena todos os mércores entre as 5 e as 6 da tarde. Pode acompañarnos desde calquera lugar do mundo en Radio Burela
O programa Proxecto Neo ten como protagonistas os neofalantes, as fillas e os fillos adoptivos da nosa terra, especialmente de Burela.
Available episodes
Newest first
Oldest first
2 days ago
Proxecto Neo, 400.13: Albano González Cancio; Laura López González; Djenifer de Brito Semedo
Na tarde do día 29 de novembro de 2023 chegamos ao programa 400. Celebrámolo con conversas centradas en experiencias de educación inclusiva.
Na primeira entrega, Ineida Moreno falou con Albano González Cancio, que nos atendeu en cualidade de profesor de Historia da Arte, de Director da Banda Musical Dambara e de dinamizador cultural e intercultural de prolongada traxectoria.
Unha entrevista recomendada para persoal docente, para as familias e para traballar nas aulas do ensino secundario; mais tamén unha entrevista con moita utilidade para o estudantado das facultades de Ciencias de Educación e dos Mestrados orientados para a docencia.
Na segunda entrega, os protagonistas foron Bernardo Penabade, o entrevistador, e Laura López González, entrevistada: a profesora Orientadora do Instituto Perdouro.
Nos minutos finais, a profesora Vanesa Vila-Verde conversou con Djenifer de Brito Semedo, a primeira estudante cabo-verdiana que mantivo colaboración con estabilidade no noso programa.
playlist_add
Nov 22, 2023
Proxecto Neo, 399.13: Lucho Penabade Outeiro; Miguel Rodríguez; Antia Cortiças
A compañía teatral Os Quinquilláns cumpre vinte e cinco anos en activo. Nós celebramos tan extraordinaria efeméride cunha conversa con Lucho Penabade Outeiro. Lenise Sofia Lopes Martíns ocupouse de conducir o diálogo.
Con Miguel Rodríguez, coordinador do funcionamento da biblioteca do Perdouro, falamos sobre unha actividade organizada polo Ministerio de Educación e Formación Profesional: as visitas científicas, artísticas e literarias.
Nos minutos finais, a protagonista foi Antia Cortiças Leira, que nos falou sobre o programa PIALE que levou a Portugal unha vintena de docentes de Galiza durante un mes.
playlist_add
Nov 15, 2023
Proxecto Neo, 398.13: Alexandra Alonso; Izan Domínguez e Laura A. Fernández; Serxio Gómez Couto
Alexandra Alonso entrou para a Masa Coral Modelo Burela cando tiña entre 12 e 13 anos e estaba cursando 2º de ESO. Despois permaneceu neste grupo de traballo semana a semana durante cinco anos máis. Todo un exemplo de constancia e dedicación.
Agora retornou activamente ao estudio para falarnos das súas primeiras prácticas docentes oficiais, que realiza en Burela coa dirección da Faculdade de Ciencias da Educación da Universidade de Santiago de Compostela.
Na segunda parte do programa fixemos crónica dunha saída educativa polas terras da Mancha e Andalucía. Laura A. Fernández e Izan Domínguez faláronnos do programa das Rutas Científicas e con eles viaxamos a Ruidera, ás covas de Montesinos, a Almagro, Bailén, Córdoba e Málaga.
Xa contra o final, Serxio Gómez Couto -hoxe en representación da Asociación
Dambara- presentounos o programa da FESTA da MÚSICA, que reunirá o próximo día 25 de novembro en Burela un total de DE-ZA-SE-TE entidades musicais.
playlist_add
Nov 8, 2023
Proxecto Neo, 397.13: Lenise Sofia Lopes Martins; Javier Castrillón González-Redondo
Entramos na primeira entrevista coa música da Filipa Pais. A convidada: Lenise Sofía Lopes Martins, estudante do Instituto Monte Castelo e Premio Erasmus +. Con ela falamos da Escola Secundaria Salineiro, na Illa de Santiago en Cabo Verde; e falamos tamén dos ciclos de Auxiliar de Coidados e do de Química e Saúde Ambiental.
Con Javier Castrillón González-Redondo tíñamos previsto falar da súa experiencia no grupo INDITEX. Mais esa só a previsión. Na verdade abordamos moitos outros temas.
O convite para a audición está feito!
playlist_add
Nov 1, 2023
Proxecto Neo, 396.13: Noé Vázquez García; Ana Ojea Alonso
Noé Vázquez é profesor de Lingua e Literatura no Instituto Perdouro. Titulado en Filoloxía pola Universidade da Coruña, realizou estaxio Erasmus na Universidade do Minho en Braga. Con el falamos tamén de música: de Chasis -a banda de rock-, da Asociación Musicoleiros e do Festival Rockaronleiros.
Ana Ojea, profesora de Cultura Audiovisual, é a Presidenta da asociación de docentes Rede Educativa de Apoio LGBTIQ+ de Galiza; e responsábel do Programa de Atención á Diversidade Sexual, de Identidade de Xénero e Familiar e Tutora LGBTIQA+ no IES Politécnico de Vigo desde 2017.
Antes de ofrecer no Instituto Perdouro unha sesión informativa para familias, atendeu a nosa solicitude de participación neste programa de radio educativa.
playlist_add
Oct 25, 2023
Proxecto Neo, 395.13: Apócemas da Escola dos Castros; Ana Moura ("Bentinha); Luís Roberto Prado Díaz
Na cabeceira do programa 395 recollemos dúas terroríficas apócemas que nos enviou o alumnado da Escola dos Castros. Inicialmente tivemos moito medo, mais pouco tempo nos durou no corpo: a música da Mayra Andrade foi terapéutica e a través dela conseguimos o antídoto contra o arrepío.
A primeira convidada no estudio foi Ana Moura, integrante do grupo de batukadeiras Nós Herança.
Na segunda parte falamos con Luís Roberto Prado Díaz, psicólogo pola Universidade Andrés Bello, da Venezuela. O noso convidado, con raíces galegas, estivo por primeira vez na nosa terra en 2021, xusto antes de se deslocar á Dinamarca. Agora traballa no aeroporto internacional de Copenhague.
playlist_add
Oct 18, 2023
Proxecto Neo, 394.13: Bernardo Penabade; Noé López Paz; Carme Sampedro Miranda; Ana Orol González
Bernardo Penabade fixo a crónica dos XXV Encontros para a Normalización Lingüística organizados polo Consello da Cultura Galega.
Noé López Paz, traballador non docente no Instituto Perdouro, falounos da práctica deportiva como fonte de saúde.
Carme Sampedro Miranda presentounos unha vez máis as actividades dos 365 días pola Igualdade.
Ana Orol González falounos do clube de lectura que se reúne na biblioteca do Instituto Perdouro.
playlist_add
Oct 12, 2023
Proxecto Neo, 393.13: Anxo Rivas; Miruca Parga; Félix Pardo; Ineida Moreno; Pepe Peinó; María José PArdiñas
Dia 11 de outubro de 2023. Foi a data da primeira emisión desta 13ª etapa. O programa que chegou ás ondas en xaneiro de 2012 alcanza agora a edición número 393. Varias ducias de estudantes de 13 promocións propiciaron que na radio á carta teñamos mais dun millar de voces ofrecéndonos o seu ensino a través das ondas.
Finalizamos unha etapa de 12 anos en Radio Burela e abrimos un novo período a través da xenerosa colaboración de Radio Foz e Radio Valadouro.
Despois da entrada feita con voz poderosa por Yanira Lopes Martins, o n primeiro convidado é unha autoridade na radiofonía galega: Anxo Rivas, de Radio Foz. Con el falou Sara Villarquide.
Miruca e Hugo presentaron a historia do novo estudio de gravación e Yanira e Félix comentaron como se fixo a montaxe técnica.
Vanesa Vila-Verde e Ineida Moreno presentaron a oferta educativa do programa de Cualificación Lingüística (CUALE) nos niveis internacionais B1 e B2.
Xa contra a parte final, acompañounos outra grande referencia na radiodifusión: o mestre Pepe Peinó, que nos lembrou o seu traballo educativo no IES de Alfoz en colaboración coa Radio Valadouro.
As palabras de María José Pardiñas, directora do IES Perdouro, puxeron o broche final a un programa en que tivemos música de Vic López, Grande Amore, Élida Almeida, Diplomáticos de Monte Alto e Ukestra do Medio.
Estamos felices de nos reencontrarmos nas ondas.
playlist_add
Jun 29, 2023
Proxecto Neo, 392: Christopher Reyes e Elena Pérez (IES M. Sarmiento); Rosa Espiñeira (Bibl. Maravilhas); Lionel Rexes
Abrimos o programa coa recomendación literaria feita pola profesora Inés Cortés, da Universidade da Coruña. Inmediatamente despois chegou o Momento RPA, desta vez protagonizado polo estudante Christopher Reyes Miranda e Elena Pérez, directora do Instituto María Sarmiento.
A música dedicada ás famosas Sete Mulheres do Minho, na voz do Zeca Afonso, abriu paso á conversa entre Ana Lestao e Rosa Espiñeira. A estudante debutaba como entrevistadora e a directora da Biblioteca Maravilhas facilitoulle moita información, a fundamental: a programación estival das actividades a realizar na Escola de Arroxo, en Lourenzá.
A 12ª etapa, correspondente ao curso 2022-23, levounos ás 392 semanas en antena. O protagonista da "sesión de clausura" foi o escritor Lionel Rexes, entrevistado por Carla Paz. Co cantar do galo ao fondo, coñecemos a Montaña do poeta e revisitamos a Raíña das velutinas.
playlist_add
Jun 22, 2023
Proxecto Neo, 391: Aniversario RPA; Antón Becerra; Juliamni Godoy; Arcadio G. Novoa
Desta vez a Recomendación Literaria chegounos desde a Escola Pedro Caselles, de Xove. Foi na voz de Xacobo, profesor de Educación Física.
No momento do PROXECTO AMIGO emitimos o primeiro traballo
co que debutaron nas ondas o día 21 de xuño de 2022.
Antón Becerra foi desta vez a primeira voz que nos falou en representación da comunidade educativa do Instituto Rafael Dieste da Coruña. A súa interlocutora foi Carla Paz, que debutaba nesta responsabilidade. Quen tamén debutaba na comunicación a través das ondas era JULIAMNI GODOY, que realizou unha brillante intervención.
Un programa así tiña que finalizar cunha coroa de loureiro. Así foi a entrevista que Nuria Ramos Cuba lle fixo a Arcadio Novoa, profesor de Filosofía e un dos integrantes do grupo OS AMIGOS DOS MÚSICOS.
playlist_add
Jun 15, 2023
Proxecto Neo, 390: Patricia González Mota, "Peque"; Jusvely Godoy; Dani Vilares
Abrimos o programa cunha Recomendación Literaria do profesor Luís Escolar, do IES Marqués de Sargadelos. A seguir recibimos a colaboración de Iago Mon, estudante de 1º de Bacharelato, que nos achegou unha nova entrega de Música para o Estudo da Historia. O Espazo RPA estivo dedicado á escritora Eva Mejuto, con motivo da súa visita ao Instituto María Sarmiento.
O primeiro dos tres contidos centrais foi unha entrevista de María Fuente a Patricia González Mota, "Peque". A estrela do Burela FS fixo un emotivo repaso do seu longo paso pola nosa terra.
As seguintes entrevistas estiveron dedicadas á intervención educativa do Instituto Rafael Dieste da Coruña. Esta semana o protagonismo centrouse en Jusvely Godoy e Dani Vilares.
playlist_add
Jun 8, 2023
Proxecto Neo, 389: Andrés Calderón (Aquí tamén se fala galego); Fran R. Torrón; Carla Paz
Johan é profesor auxiliar de Lingua Inglesa no Instituto María Sarmiento de Viveiro. Por xentileza da Radio Proxecto Amigo (RPA), puidemos reproducir unha entrevista con el.
O espazo da Música para o Estudo da Historia viaxou ao Valadouro, desde onde colaborou Laura Prado Chao.
O protagonista da primeira entrevista foi Andrés Calderón, estudante do Instituto Rafael Dieste, da Coruña. Estivo con nós para presentarnos a intervención académica que leva por título "Aquí tamén se fala galego".
Para complementar este mesmo tema, tamén entramos en contacto con Fran R. Torrón, luthier con obradoiro na cidade coruñesa e unha das persoas colaboradoras desta campaña.
Na última parte do programa atendeunos Carla Paz, que nos falou de Literatura e Artes Plásticas.
playlist_add
Jun 1, 2023
Proxecto Neo, 388: Yolanda Fernández; Ana Lestao; Ana Fernández Melón
Yanira Lopes Martíns conduciu unha nova entrega de Proxecto Neo. Coa axuda de Hugo, Sara e Germán, presentaron os seguintes contidos:
- a recomendacion literaria de Carmen García, profesora de Lingua e Literatura Castelá.
- unha nova entrega da colaboración coa emisora Radio Proxecto Amigo, do Instituto María Sarmiento.
- o espazo "Música para o Estudo da Historia", con participación de Ana Freire Rancaño.
- e tres entrevistas a:
1.- Ana Lestao, gañadora do Certame Eu son Pilabot.
2.- Yolanda Fernández, profesora especializada en Educación Emocional.
3.- Ana Fernández Melón, poeta, autora do libro: 1977-2023.
playlist_add
May 25, 2023
Proxecto Neo, 387: Música para o estudo da Historia; Masa Coral Modelo Burela; Luís Álvarez Pousa
O 387 é un programa de estreas por partida dobre: primeiro unha sección dedicada á Música de contido histórico e despois un espazo de colaboración coa RPA, a emisora educativa do Instituto María Sarmiento.
Ademais da tradicional recomendación literaria, que nesta semana nos trouxo Maite Lanza, viaxamos aos Peares para falar con Germán, Sara, Hugo e Carmen Sampedro, integrantes da Masa Coral Modelo Burela, que participan nun curso de inmersión lingüística en inglés.
No último cuarto do programa presentamos un novo libro de Luís Álvarez Pousa: MEDIOS E POLITICOS BAIXO SOSPEITA (1990-2023), editado por Laiovento.
playlist_add
May 12, 2023
Proxecto Neo, 386: Francisco Basanta (IES M. Sarmiento); Marta Estévez Grossi (USC)
Nuria Ramos Cuba regresou ao programa e fíxoo ao estilo Masa Coral: coa roupa de traballo e a disposición para colaborar. Súa foi a primeira das entrevistas, a que tivo como protagonista o profesor Francisco Basanta Barro (unha das grandes referencias do deporte galego, tanto como futbolista como preparador técnico). Despois das palabras do coordinador da expedición de radiofonistas, interviron tamén dous profesores e dúas alumnas.
Na segunda parte do programa, Hugo F. Galdo conversou coa profesora Marta Estévez Grossi, docente nas Universidades de Santiago de Compostela e Hannover. O tema de conversa é a mediación comunicativa, especialmente protagonizada por mozas e mozos na etapa da adolescencia.
playlist_add
May 11, 2023
Proxecto Neo, 386: Francisco Basanta (IES M. Sarmiento); Marta Estévez Grossi (USC)
Nuria Ramos Cuba regresou ao programa e fíxoo ao estilo Masa Coral: coa roupa de traballo e a disposición para colaborar. Súa foi a primeira das entrevistas, a que tivo como protagonista o profesor Francisco Basanta Barro (unha das grandes referencias do deporte galego, tanto como futbolista como preparador técnico). Despois das palabras do coordinador da expedición de radiofonistas, interviron tamén dous profesores e dúas alumnas.
Na segunda parte do programa, Hugo F. Galdo conversou coa profesora Marta Estévez Grossi, docente nas Universidades de Santiago de Compostela e Hannover. O tema de conversa é a mediación comunicativa, especialmente protagonizada por mozas e mozos na etapa da adolescencia.
playlist_add
May 4, 2023
Proxecto Neo, 385: Mónica Antelo (IES RAFAEL PUGA); Rosa Espiñeira (Biblioteca Maravilhas); Ana Orol
Coa música de Brais Morán, entramos nunha entrevista a Mónica Antelo, estudante de 1º de bacharelato no Instituto Rafael Puga Ramón, da Coruña. Con ela falamos do seu primeiro libro: Por que a terra é redonda?, que foi editado con fins benéficos.
Pola súa parte, Rosa Espiñeira Pan, da biblioteca Maravilhas, con sede na Escola de Arroxo (Lourenzá), presentounos este centro cultural e convidounos a visitar a exposición Palabra e Memoria, que recolle 23 fotografías de lápidas con epitafios.
Na terceira parte do programa, os protagonistas foron a profesora Ana Orol e o estudante Fábio, participantes nunha viaxe educativa por Portugal.
playlist_add
Apr 27, 2023
Proxecto Neo, 384: Miruca Parga; Mónica Alonso; Pedro Jorge Pereira; Antía Neira Fraga; Mateo Corral Caamaño
A profesora Miruca Parga recomendounos a lectura dun libro de Rosa Aneiros: Resistencia, narrativa en homenaxe á revolución do 25 de abril.
A segunda colaboración foi preparada pola tamén profesora Mónica Alonso, da área de Educación Física. Neste caso fainos crónica da presenza na Mariña dun Grande Mestre do TAI CHI.
A música dos Azeitonas abriu ás portas a unha conversa con Pedro Jorge Pereira, responsábel da empresa Slow Motion Tours. No dia 23 de abril, Pereira participou nunha palestra no Centro Social Xebra para realizar unha análise Eco-Social da cidade do Porto nas décadas mais recentes. Este guía de visita, que colabora con institutos e escolas oficiais de idiomas de toda a xeografía galega, organiza roteiros e programas turísticos alternativos. Con eles pretende proporcionar unha forma diferente de coñecer e envolverse nas realidades locais.
Con Antía Neira Fraga, do Barral de Cima (Mondoñedo), falamos dos estudos de Sanidade Animal no Instituto de Fonteb…
playlist_add
Apr 20, 2023
Proxecto Neo, 383: Jorge F. Viso, Noel Cayón e Oscar F. Aldana (S.D. Porto de Burela); Diego Madarnás (IES Milladoiro)
Tres futbolistas escollidos para a selección sub-13 representativa da provincia de Lugo foron entrevistados nunha das aulas do instituto durante o tempo de recreo. De fondo escóitanse os ruídos propios dun momento de descanso, mais a entrevista gaña en espontaneidade.
A conversa gravada é un documento moi interesante tanto para o deporte como para a cultura e a educación.
NA segunda parte do programa conversamos con Diego Madarnás, un magnífico exemplo da pedagoxía que se está aplicando neste momento no Instituto do Milladoiro.
O protagonista da última entrevista é Germán Quintana, estudante de primeiro de ESO e participante nun grupo de estudantes que participaron con éxito no certame Enreguéifate.
playlist_add
Apr 12, 2023
Proxecto Neo, 382.12: Maribel Crecente; Antonio Reigosa; Luísa Diéguez
A recomendación literaria da profesora Maribel Crecente abre o programa 382. O primeiro entrevistado foi o escritor Antonio Reigosa, Cronista Oficial de Mondoñedo. Convidounos ao acto de homenaxe a Cándido Carreiras a celebrar o próximo día 15 de abril, coa inauguración dun monumento funerario no cemiterio civil da localidade.
Na segunda parte do programa falamos con Luísa Diéguez, profesora no instituto Rafael Puga Ramón e autora dunha exposición fotográfica centrada na deturpación da toponimia galega.
playlist_add
Mar 29, 2023
Proxecto Neo, 381.12: M. Barrientos + Esp. IES M. Sarmiento (Vítor Rolle; Noa Suárez; Candela Villarmea; Mateo Rubal)
Despois da Recomendación Literaria de Gonzalo Ruíz Liso, abrimos o
programa cunha nova entrega do espazo “Si. Muller. Deporte”, que estivo protagonizado por Mercé Barrientos Varela, unha das máximas autoridades do taekwondo galego.
Xusto despois desta entrevista, tivemos un programa dedicado
integramente ao Instituto María Sarmiento de Viveiro.
Primeiro falamos con Vítor Rolle, o cantineiro; máis tarde estivemos en conversa con Noa Suárez, alumna de 2º de ESO; e a seguir conversamos con Candela Villarmea, xogadora de baloncesto.
Xa no final do programa, o noso contertulio foi Mateo Rubal, moi coñecido, pola súa participación en certames internacionais de soldadura.
playlist_add
Mar 23, 2023
Proxecto Neo, 380.12: Vanesa Vila-Verde; Uxío Alho; Cultura Marítima
Abrimos o programa coa recomendación literaria feita pola profesora María Dolores Reimunde Noreña.
Despois da música, reproducimos unha entrevista coa profesora Vanesa Vila-Verde. Esta peza informativa, realizada por unha unidade itinerante da Radio Galega, foi emitida en directo desde o patio do Instituto Perdouro no momento en que se estaba desenvolvendo o Día da Literatura Cabo-Verdiana.
A entrevista central do programa estivo protagonizada por Uxío Alho, da empresa Maruxío. Ademais de falarnos das galletas artesás que fabrican na Estrada, o convidado falounos tamén da Escola de Embarcacións Tradicionais da Illa da Arousa.
playlist_add
Mar 16, 2023
Proxecto Neo, 379.12: Daniela de la Plaza (C.A. "Maderas Barcia"); Dane G. Níñez (VIVEMAR); Francisco Pereira
Daniela de la Plaza, de 9 anos, estudante na Escola da Península da Paz, mostrounos oito medallas conseguidas en diferentes probas deportivas.
A atleta do "Maderas Barcia - Cervo" destaca nas carreiras de lonxitude (dos 50 aos 1000 metros), nos saltos e nos relevos.
Dane García Níñez presentounos os Encontros de Cultura Marítima a celebrar no Museo do Mar, en San Cibrao, o día 18 de marzo.
Nos minutos finais reproducimos unha entrevista realizada pola Radio Galega ao profesor e deputado Francisco Pereira, da Universidade de Lausanna, que nos acompañou na celebración do 1º Día da Literatura Cabo-Verdiana.
playlist_add
Mar 9, 2023
Proxecto Neo, 378.12: Mar Álvarez (Nós Diario); Íker Trillo; Loli Blanco (IES Eusebio da Guarda)
Abrimos o programa cunha recomendación literaria da profesora Ana Vázquez, que nos levou ao sécuo XIV a unha abadía situada nos Alpes.
A protagonista da primeira conversa foi a xornalista Mar Álvarez, do Nós Diario. Alén de nos presentar o xornal e o perfil da súa equipa de redacción, falounos sobre os contidos especiais que publican con motivo da semana da imprensa na escola.
A profesora Loli Blanco, profesora de Física e Química no Instituto Eusebio da Guarda, falounos da súa evolución lingüística.
playlist_add
Mar 2, 2023
Proxecto Neo, 377.12: Noemí Cortés; Miguel Rodríguez; Jesús San José
A xogadora e treinadora Noemí Cortés falounos sobre un deporte até agora pouco coñecido: o softball. Despois de nos ofrecer as explicacións técnicas, coñecemos en primeira persoa as vivencias dunha persoa que leva practicando e ensinando este deporte durante varios anos.
O historiador Miguel Rodríguez, de Ferrol, falounos da súa cidade e tamén da súa experiencia pedagóxica.
Jesús San José visitou o estudio de Radio Burela para presentarnos unha exposición de pintura, aberta ao público entre os días 3 e 24 de marzo.
playlist_add
Feb 16, 2023
Proxecto Neo, 376.12 (O PROGRAMA DA PONTE): Gerardo Feijó (Ponte nas Ondas); Eduardo de Martís (Galicia Latente)
Comezamos o programa coa estrea da Ponte, a nova música da Ponte nas Ondas para celebrar o Día Mundial da Radio. Este novo tema musical, transfronteirizo, é o resultado do traballo conxunto dunha galega (Uxía Senlle), unha portuguesa (Celina da Piedade), un brasileiro (Chico César) e un mozambicano (Cheny Wa Gune).
Na segunda parte do programa coñecemos a realidade da Galicia Latente coa presentación do seu director, Eduardo de Martís.
playlist_add
Feb 9, 2023
Pr. Neo, 375.12: Lucía Roldán (IES Arteixo); Carla Dopazo (IES Eusebio da G.); Í. Trillo; Moustaphá S.; V. Vila Verde
Lucía Roldán, do IES de Arteixo, fíxonos a recomendación literaria da semana. Xusto despois, entrou Berto así ao estilo volcánico. Era unha maneira de introducir a entrevista con Carla Dopazo, do IES Eusebio da Guarda.
Na parte central do programa estivemos con Íker Trillo, que dentro duns días participará co equipo de Valencia na final dun campeonato de baloncesto en Barcelona. Con el estivo Moustaphá Sarr, que nos presentou o primeiro programa radiofónico da súa autoría.
A profesora Vanesa Vila Verde presentounos a Iª edición do Día da Literatura Cabo-Verdiana a celebrar en Burela o próximo día 14 de Marzo.
playlist_add
Feb 2, 2023
Proxecto Neo, 378.12: Efigenia Maseda; Iván G. Lanzas (IES Pedra da Auga); Noa Castro (CT Barreiros); Manuela e Marina
Efigenia Maseda, profesora de Latín e Grego, abre o programa coa súa recomendación literaria e dá paso á música de Fátima Pego e DJ Sonic.
O profesor Iván G. Lanza do IES Pedra da Auga, de Ponteareas, falounos da súa experiencia como neofalante. Este profesor de Formación e Orientación Laboral (FOL), nacido en Madrid, incorporou ao seu repertorio o idioma galego xusto en quinto lugar.
Noa Castro é integrante do Clube de Teatro de Barreiros. Visitounos no estudio e presentounos a entidade en que está recibindo formación en materia de dramatización.
A última das entrevistas tivo tres protagonistas: dúas presentes e outra en situación de suxeito elíptico. Manuela Seijo e Marina Rubal presentáronnos un audiovisual dedicado á profesora Cándida Campos e por elas producido, guionizado, gravado e montado.
playlist_add
Jan 25, 2023
Proxecto Neo, 373.12: Manuel Piñeiro (ROGA COLECTIVA); JOZI OLIVEIRA (BURELA F.S.); Víctor López (EMB)
O historiador Manuel Piñeiro presentounos unha nova asociación defensora do patrimonio: A ROGA COLECTIVA, que recentemente fixo público un manifesto fundacional e que nós daremos a coñecer a través das redes sociais.
Despois de falarmos de TRABALLOS COMUNITARIOS, tivemos unha nova entrega do espazo que leva por título "Si, Muller! Deporte". A convidada nesta iniciativa incluída nos "365 días de respecto e igualdade" foi Jozi Oliveira, unha das estrelas do Burela F.S.
Xa contra o final do programa, estivo con nós Víctor López, estudante de primeiro de ESO, que nos falou da riqueza paisaxística e patrimonial da comarca ancaresa.
playlist_add
Jan 18, 2023
Proxecto Neo, 372.12: Marta Rodríguez (IES Eusebio da Guarda); Carme Cociña
Marta Rodríguez, de 17 anos, estuda o 1º curso de bacharelato no Instituto Eusebio da Guarda, da Coruña. Nós falamos con esta representante da Xeración das Galescolas, xusto no momento en que están chegando á maioría de idade. Unha entrevista recomendada para ser escoitada por alumnado, polas familias e por todo o profesorado (moi especialmente o das Linguas e o implicado nos ENL).
Na segunda parte do programa a protagonista foi a profesora Carme Cociña, que acaba de terminar o período docente. Con ela falamos sobre docencia e evolución do idioma galego desde 1975 á actualidade (didáctica da lingua e da literatura, xestión escolar, equipas de normalización...).
playlist_add
Jan 12, 2023
Proxecto Neo, 371.12: Yanira Lopes Martins; Cristian G. Mesa; Serxio A. Mon; Jessica Fernández
Certísimo: Se non saes... non podes entrar de novo. Esa é a idea central do audivisual Si ka badu, ka ta biradu, de Sonia Díaz e Óscar Vázquez. Nós quixemos coñecelo desde dentro e desde a óptica dunha das protagonistas, a estudante de Yanira Lopes Martins. Con 12 anos, fala con toda a forza que se recolle nesta gravación.
Máis tarde, Cristian Gómez Mesa falounos do Certame Galego de Regueifa, un festival competitivo celebrado no Pazo da Cultura de Carballo; e Serxio A. Mon deunos a coñecer as súas impresións sobre un audiovisual dedicado á profesora Cándida Campos Crecente.
A última parte do programa tivo de protagonista unha das redactoras do www.neofalantes.gal. Jessica Fernández atendeu a nosa chamada.
playlist_add
Dec 22, 2022
Proxecto Neo, 370.12: María Fuente; Chelo Gundín
Primeiro temos unha conversa sobre deporte feminino. A primeira entrevista está protagonizada por María Fuente, que comeza a dar os primeiros pasos na arbitraxe.
Na segunda parte do programa a protagonista é a profesora Chelo Gundín, dinamizadora das bibliotecas escolares. Con ela falamos sobre animación á lectura e tamén sobre a didáctica da Lingua e a Literatura.
playlist_add
Dec 15, 2022
Proxecto Neo, 369.12: María Quintana; François Davo; Daniel Domínguez
No programa 369 recibimos a incorporación de María Quintana, unha estudante de só 9 anos. Con ela conversamos un nomento.
O noso seguinte convidado foi o profesor, tradutor e escritor François Davo. Nacido en Le Mans, chegou á cidade da Coruña como profesor auxiliar de Lingua Francesa no decenio de 1990.
Daniel Domínguez, o guionista de O Corpo aberto -a longametraxe de Ángeles Huerta-, que nos falou sobre a súa profesión e tamén sobre esta historia arraiana ambientada en Lobosandaus.
playlist_add
Dec 8, 2022
Proxecto Neo, 368.12: Gaspar Broullón "Corpo Aberto") ; Irene Pérez Lis ("Surfeando libros")
Gaspar Broullón é profesor da materia de Produción Audiovisual na Universidade de Santiago de Compostela. Nuria Ramos Cuba solicitoulle entrevista para falaren sobre produción cinematográfica e xuntos prepararon unha intervención didáctica sobre o Corpo Aberto, de Ángeles Huerta, inspirada no "Lobosandaus" arraiano de Xosé Luís Méndez Ferrín.
Con este prato central parecía que non habería sitio para outro tanto. E claro que había. Aínda faltaba a conversa con Irene Pérez Pintos, do Instituto Eusebio da Guarda. Con ela estivemos Surfeando Libros. Así con maiúscula.
playlist_add
Nov 30, 2022
Proxecto Neo, 367.12: Paula Jorge Horta (Land Rober); Djennifer de Brito Semedo; Álvaro Díaz (Asoc. Tempo Novo - Elviña)
Paula Jorge Horta retornou ao Instituto Perdouro. Desta vez para falar de Educación inclusiva. De guiar a conversa ocupáronse Carme Gallo, Sara Villarquide e Hugo F. Galdo.
Unha das salas de aulas do instituto converteuse momentaneamente nun estudio radiofónico-audiovisual (Matías Nicieza gravou a sesión completa). O alumnado puido presenciar ao vivo a realización e tivo un excelente comportamento).
A protagonista da segunda parte foi a estudante Djennifer de Brito Semedo, que nos falou da súa participación no grupo musical Batuko Tabanka. Unha intervención colosal!
O terceiro protagonista foi Álvaro Díaz, profesor de Lingua Inglesa e parente de Ricardo Carvalho Calero. Un neofalante do século do século XX e outro do século XXI.
Brillante!
playlist_add
Nov 24, 2022
Proxecto Neo, 366.12: Lúa Mariña Fernández; Jhonny F. Taboada; Oliva Sanluis Tejada
Abrimos o programa coa recomendación literaria feita polo profesor Manolo Carreira. Xusto despois escoitamos outra peza radiofónica que nos enviou o alumnado de Ciencias da Terra e do Medio Ambiente.
Desde A Estrada atendeu a nosa chamada a estudante Lúa Mariña Fernández, que nos falou dunha curiosa iniciativa surxida no IES Lousada Diéguez: o Samaín Creativo.
Do mesmo tema faláronnos Nuria Ramos Cuba e Jhonny F. Taboada.
Na parte final do programa conversamos con Oliva Sanluis Tejada, Orientadora do Instituto de Leixa (Ferrol)
playlist_add
Nov 16, 2022
Proxecto Neo, 365.12: Lourenço Gomes; Élter Carlos; Dulce Fernández Graña (IES Eusebio da Guarda)
Dous profesores e unha profesora de Cabo Verde estiveron durante dúas intensas xornadas en Burela. Primeiro visitaron o IES Monte Castelo, despois foron recibidos no Concello e, finalmente, estiveron coa comunidade educativa do IES Perdouro.
Neste programa falamos cunha representación dos estudantes e do profesorado e, mais tarde, falamos tamén cos propios docentes convidados.
Na parte final do programa, conversamos con Dulce Fernández Graña, Catedrática de Lingua e Literatura Galegas no Instituto Eusebio da Guarda, da Coruña
playlist_add
Nov 9, 2022
Proxecto Neo, 364.12: Nuria Bouza; Moustapha Sarr
Abren o programa Paula López e David Otero cunha entrevista coa luguesa Nuria Bouza, xogadora e directora deportiva de Voleibol que traballa actualmente en Cataluña.
A entrevista está enmarcada dentro do Proxecta que leva por título "365 días de respecto e igualdade".
Xa na parte final do programa, conversamos con Moustapha Sarr, estudante do 2º curso de ESO.
playlist_add
Nov 3, 2022
Proxecto Neo, 363.12: Germán Quintana Sanjurjo; Cristian G. Mesa; Laura G. Santiso
Proxecto Neo tivo a honra de abrir as portas da radiodifusión a un músico de 12 anos: Germán Quintana Sanjurjo. Primeiro propiciamos a audición da súa música e despois falamos demoradamente con el.
O seguinte convidado foi Cristian Gómez Mesa, integrante da Masa Coral Modelo Burela desde hai case dez anos. Estivo con nós con motivo da súa participación no Enreguéifate, unha iniciativa en que participa como docente.
A entrevista central do programa estivo protagonizada por Laura García Santiso, deseñadora de lápidas, con obra nos cemiterios de Burela e toda a súa área de influencia.
playlist_add
Oct 27, 2022
Proxecto Neo, 362.12: Breogán F. Bouza; David L. Casas; Hugo F. Galdo; Amancio Liñares
Celebramos a incorporación de tres novas voces a Proxecto Neo. Trátase dos alumnos Breogán F. Bouza, David L. Casas e Hugo F. Galdo, os tres estudantes de 1º de ESO. Despois de recibilos no estudio, dedicámoslles unha canción do Grande Amore.
As entrevistas con estes mozos de entre 12 e 13 anos, Alba e Nerea conversaron co profesor Amancio Liñares, que falou sobre Ramón Piñeiro e que nos convidou a asistir a un ciclo de conferencias a celebrar durante todo o mes de novembro, todas elas centradas no prestixioso intelectual de Láncara e director da Editorial Galaxia.
playlist_add
Oct 20, 2022
Proxecto Neo, 361.12: Benjamim Outeiro ("O Brasileiro da Pedra")
Por xentileza de Rocío Candales e Séchu Sende, nesta emisión de Proxecto Neo recollemos unha conversa co escritor galego-brasileiro Benjamim Outeiro, orixinario do lugar da Pedra de Nemenzo (Santiago de Compostela).
Coa voz narradora de Nuria Ramos Cuba, minuto a minuto coñecemos o periplo vital dun galego de oitenta e nove anos que cruzou o Atlántico por primeira vez en 1951 a bordo dun barco arxentino.
playlist_add
Oct 5, 2022
Proxecto Neo, 360.12: Víctor F. Freixanes;Abrahám Rivera
Despois de que Carmen Castro nos fixese a Recomendación Literaria da semana, os "Aires de Pontevedra" na versión de Milladoiro abriron o camiño para que Nuria Ramos Cuba converse demoradamente co Presidente da Academia Galega. A estudante de Burela comezou a entrevista facendo unha alusión a dúas localidades que teñen o mesmo nome, cunha simple alteración gráfica: Borela (con -o-) e Burela (con -u); e coa resposta a esta pregunta o profesor mostrounos un ton tan próximo que conseguía cautivar a audiencia.
Na segunda parte do programa, o protagonismo centrouse no viveirés Abrahám Rivera, de Viveiro, colaborador nun curso de Artes Marciais a celebrar en San Cibrao nos próximos días 15 e 16 de outubro.
playlist_add
Sep 27, 2022
Proxecto Neo, 359.12:Xoán Moreda Pinto; Vanesa Vila-Verde Lamas
A segunda promoción do CUALE -para a obtención do título internacional B1- xa está en camiño. No acto de inauguración participou Xoán Moreda Pinto, profesor de Filosofía, que o curso pasado realizou estudos de Lingua Portuguesa na Escola Oficial de Idiomas de Lugo.
Foi precisamente o profesor Moreda Pinto o protagonista da nosa primeira entrevista. Con el falamos de trinta anos de docencia no ensino público e mesmo do sector da hotelaría, antes de nos centrarmos na súa volta aos estudos regrados como alumno (na EOI).
A segunda entrevista estivo dedicada á incorporación da profesora Vanesa Vila-Verde Lamas ao IES Perdouro e á iniciativa educativa Modelo Burela.
playlist_add
Sep 22, 2022
Proxecto Neo, 358.12: Mónica Alonso
Abrimos o programa coa intervención do profesor Fernando Losada, autor dunha peza sonora sobre erros ortográficos comúns en letreiros urbanos protagonizada por un grupo de estudantes e a súa profesora de Lingua e Literatura. A seguir, o noso contertulio presentounos a súa colaboración para o curso 22-23: un espazo de animación á lectura.
O contido central do programa estivo dedicado Mónica Alonso. Esta profesora de Educación Física no IES Perdouro evocou para nós a etapa en que combinou os estudos no INEF en Bastiagueiro coa colaboración en CUAC FM (tanto na asociación comunitaria como na realización de programas radiofónicos). Con ela tamén falamos dos seus traballos na cadea 40 Principales e en RadioVoz. Finalmente, gardamos uns minutos para falar sobre o ensino da Educación Física nos centros escolares.
playlist_add
Sep 14, 2022
Proxecto Neo, 357.12: Programa especial dedicado a Bernardo Penabade
No comezo do curso académico 2022-23 chegamos ás 357 semanas en antena. Nuria Ramos e Cristian Gómez redactaron e ocupáronse da realización dun programa monográfico ao profesor Bernardo Penabade. Entre outras persoas, interviron Manolo Maseda, Sechu Sende, Maribel Crecente, Aitor López Anello, Xián Liñares, etc.
playlist_add
Jun 22, 2022
Proxecto Neo, 356.11: Miguel Sande; Amancio Liñares
O xornalista Miguel Sande, delegado da Voz de Galicia na Mariña, atendeu a nosa chamada e falou con Nuria Ramos Cuba sobre a súa obra de creación literaria. Aproveitamos para facer a presentación dun libro de recente publicación: O Negociador.
Con Amancio Liñares aproveitamos para evocar a figura de Avelino Pousa Antelo, xusto no momento en que se están facendo as primeiras presentacións dun novo libro: As paroladas de Avelino Pousa Antelo na Radio Galega.
playlist_add
Jun 16, 2022
Proxecto Neo, 355.11: Samuel Silva; Ramón Real; Henrique Sanfiz
No programa 351 contamos coa participación de Samuel Silva, xornalista do Público. Falounos da súa experiencia formativa no Centro de EStudos Galegos da Universidade do Minho, baixo a dirección educativa do profesor Alberto PAz Félix.
Co estudante Ramón REal falamos da Feira da Ciencia organizada polo Instituto PErdouro.
Nos minutos finais acompañounos Henrique Sanfiz, Director de Radio Fene e da Cadea de Emisoras Municipais Radiofusión.
playlist_add
Jun 9, 2022
Proxecto Neo, 354.11: Miguel González Somovilla; Umberto Corral; Pablo García Martín
Abrimos o programa cunha conversa co xornalista Miguel González Somovilla, que nos próximos días 1 e 2 de xullo estará en Mondoñedo para participar no IIº Encontro Cunqueiro.
O berciano de Bembibre, Umberto Corral, adiantounos os contidos de Fálame Sempre, un filme do xénero documentario que describe en panorámica a situación da lingua galega naquela comarca.
Nos últimos falamos con Pablo García Martín, alumno de 3º de ESO, estudante no Conservatorio de Música de Viveiro e integrante da Asociación Dambara.
playlist_add
Jun 2, 2022
Proxecto Neo, 353.11: Martín Lestao (Asoc. Burela Floral); Shiva Alinda Nurhakim; Carmen Castro Novo; Armando Requeixo
Este é o programa das celebracións. Martín Lestao, da Asociación Burela Floral, convidounos a participar nos traballos de preparación da grande alfombra conmemorativa das festas patronais da localidade. Despois falounos dos vínculos entre as localidades galegas que manteñen esta tradición: Perbes, Ares, Ames, Ponteareas...
playlist_add
May 26, 2022
Proxecto Neo, 352.11: Carme Sampedro Miranda; Íker Trillo e Alberto Méndez (C.B. Burela); Moncho Mariño
Abrimos o programa coa interpretación da cantiga titulada Ondas do Mar de Vigo por alumnos e alumnas de 4º de ESO, dirixidos pola profesora Patricia Inés Fernández Salas. Pola súa parte, a profesora Carme Sampedro Miranda presentounos un Plan Proxecta realizado no Instituto Perdouro. Trátase do 365 días pola Igualdade.
Íker Trillo e Alberto Méndez, do Clube de Baloncesto Burela, faláronnos do Campionato galego desta modalidade deportiva gañado pola entidade da Mariña.
Nos minutos finais, Moncho Mariño falounos do Xornal da Mariña, unha cabeceira asociada ao Galicia Confidencial.
playlist_add